ନୂଆଦିଲ୍ଲୀ ୨୨/୦୭: ଶ୍ରାବଣ ମାସଟି କରୁଣାମୟ ମହାଦେବଙ୍କ ପ୍ରତି ସମର୍ପିତ । ଏହି ମାସରେ ବିଶେଷ ପୂଜାର୍ଚ୍ଚନା ଦ୍ୱାରା ଶିବଙ୍କୁ ସନ୍ତୁଷ୍ଟ କରିବାକୁ ଭକ୍ତ ପ୍ରୟାସ କରିଥାଏ । ଶିବଙ୍କୁ ସନ୍ତୁଷ୍ଟ କରିବାକୁ କ’ଣ କରାଯିବା ଆବଶ୍ୟକ ଆସନ୍ତୁ ଜାଣିବା ।
ଶିବଲିଙ୍ଗରେ ଜଳାଭିଷେକ କରାଯାଏ । ଏହାବ୍ୟତୀତ କ୍ଷୀରରେ ବି ଅଭିଷେକ କରନ୍ତୁ । ଏହାଦ୍ୱାରା ସମସ୍ୟା ଦୂର ହୁଏ ।
ଶିବଲିଙ୍ଗରେ ବେଲପତ୍ର ଚଢ଼ାଇବା ଅତ୍ୟନ୍ତ ଶୁଭଦାୟକ । ତିନିପତ୍ର ବିଶିଷ୍ଟ ବେଲପତ୍ର ହିଁ ଚଢ଼ାଇବେ ।
ଲାଲ୍ ରଙ୍ଗର କେଶରରେ ଶିବଲିଙ୍ଗରେ ତିଳକ କରିବା ଦ୍ୱାରା ମାଙ୍ଗଳିକ ଦୋଷ ଦୂର ହୁଏ । ୧୦୮ ବେଲପତ୍ରରେ ଚନ୍ଦନରେ ରାମନାମ ଲେଖି ଶିବଲିଙ୍ଗରେ ଅର୍ପଣ କଲେ ବିବାହ ଯୋଗରେ ବାଧା ଦୂର ହୁଏ ।
ଶିବଙ୍କ ଠାରେ ସୁଗନ୍ଧି ଛିଞ୍ଚିଲେ ମନ ଶୁଦ୍ଧ ହେବା ସହିତ ସମୃଦ୍ଧି ପ୍ରାପ୍ତ ହୋଇଥାଏ ବୋଲି କୁହାଯାଇଛି ।
ଶିବ ଦୁଦୁରା, ଅରଖ, କନିଅର, ଶାମି, ବ୍ରହ୍ମକମଳ ଇତ୍ୟାଦି ପୁଷ୍ପ ପ୍ରିୟ । ଶ୍ରାବଣରେ କନିଅର,ଅରଖ ଇତ୍ୟାଦି ପୁଷ୍ପ ଉପଲବ୍ଧ ହେଉଥିବାରୁ ଏହି ପୁଷ୍ପ ଶିବଲିଙ୍ଗରେ ଅର୍ପଣ କରନ୍ତୁ ।
ପ୍ରତି ସୋମବାର ମନ୍ଦିର ଯାଇ ଶିବଲିଙ୍ଗରେ ଶୁଦ୍ଧ ଗୁଆଘିଅ ଅର୍ପଣ କରିବା ଦ୍ୱାର ସନ୍ତାନ ପ୍ରାପ୍ତିରେ ରହୁଥିବା ଦୋଷ ଦୂର ହୁଏ ।