ମୁମ୍ବାଇ ,୧୧/୧୦: ତେଲେଙ୍ଗାନା ମନ୍ତ୍ରୀ କୋଣ୍ଡା ସୁରେଖାଙ୍କ ବଢିଲା ଅଡୁଆ। କିଛି ଦିନ ପୂର୍ବରୁ ଅଭିନେତ୍ରୀ ସାମନ୍ଥା ରୁଥ ପ୍ରଭୃଙ୍କ ବ୍ୟକ୍ତିଗତ ବିଷୟ ମନ୍ତବ୍ୟ ଦେଇଥିଲେ। ଯେଉଁ କାରଣରୁ ସେ ବର୍ତ୍ତମାନ ଅସୁବିଧାରେ ପଡିଛନ୍ତି। ଏହି ମାମଲାରେ ଅଭିନେତା ନାଗାର୍ଜୁନ ଆକକିନେନି ମନ୍ତ୍ରୀ କୋଣ୍ଡା ସୁରେଖାଙ୍କ ବିରୋଧରେ ୧୦୦ କୋଟି ଟଙ୍କାର ମକଦ୍ଦମା ଦାୟର କରିଛନ୍ତି। ଗୁରୁବାର ଦିନ ହାଇଦ୍ରାବାଦର ନମ୍ପାଲୀ କୋର୍ଟ କୋଣ୍ଡା ସୁରେଖାଙ୍କ ବିରୋଧରେ ନୋଟିସ ପଠାଇ ତାଙ୍କ ଟିପ୍ପଣୀ ପାଇଁ ଉତ୍ତର ମାଗିଛନ୍ତି।
ନାଗାର୍ଜୁନ ତାଙ୍କ ଅଭିଯୋଗରେ କହିଛନ୍ତି ଯେ , କୋଡା ସୁରେଖାଙ୍କ ଟିପ୍ପଣୀ ମିଥ୍ୟା ଅଟେ। ଏହା ସହିତ ଏହି ଟିପ୍ପଣୀ ତାଙ୍କ ପରିବାର ଉପରେ ମଧ୍ୟ ଖରାପ ପ୍ରଭାବ ପକାଇବ। କୋଡା ସୁରେଖା ସମନ୍ଥା ଓ ନାଗାଚୈତନ୍ୟଙ୍କ ଛାଡପତ୍ରକୁ ନେଇ ଟିପ୍ପଣୀ ଦେଇଥିଲେ ।କୋର୍ଟ ନୋଟିସ ଜାରି କରି କହିଛି ଯେ, ଏହି ମାମଲାର ଶୁଣାଣି ଅକ୍ଟୋବର ୨୩ ତାରିଖରେ ହେବ । ଏହା ପୂର୍ବରୁ ଏହି ମାମଲାର ଅକ୍ଟୋବର ୧୪ ତାରିଖ ପର୍ଯ୍ୟନ୍ତ ବଢାଇ ଦିଆଯାଇଥିଲା । ନାଗାର୍ଜୁନଙ୍କ ସହିତ ତେଲୁଗୁ ଇଣ୍ଡଷ୍ଟ୍ରିର ଅନେକ ଅଭିନେତା ଏହିଭଳି ଟିପ୍ପଣୀ ବିରୋଧରେ ନିଜର ସ୍ବର ଉଠାଇଥିଲେ ।
ଅକ୍ଟୋବର ୨ ରେ ଗଣମାଧ୍ୟମ ସହ ବାର୍ତ୍ତାଳାପରେ କୋଣ୍ଡା ସୁରେଖା ନାଗା ଚେତନ୍ୟ ଏବଂ ସାମନ୍ଥାଙ୍କ ଛାଡପତ୍ରକୁ ନେଇ ବିବାଦୀୟ ମନ୍ତବ୍ୟ ଦେଇଥିଲେ। କୋଣ୍ଡା ସୁରେଖା ଦାବି କରିଛନ୍ତି ଯେ ବିଆରଏସ ନେତା କେ.ଟି ରାମା ରାଓଙ୍କ କାରଣରୁ ଉଭୟଙ୍କ ମଧ୍ୟରେ ଛାଡପତ୍ର ହୋଇଛି। ସୁରେଖାଙ୍କ ଏହି ବିବୃତ୍ତିରେ ନାଗା ଚୈତନ୍ୟ ଏବଂ ସାମନ୍ଥା ସ୍ପଷ୍ଟ କରିଛନ୍ତି ଯେ ସେମାନଙ୍କ ଛାଡପତ୍ର ଉଭୟଙ୍କ ନିଷ୍ପତ୍ତି। ତେବେ ଏହି ମାମଲା ଅଧିକ ବଢିବା ପରେ କୋଣ୍ଡା ସୁରେଖା କ୍ଷମା ମାଗିଥିଲେ। ସୁରେଖା କହିଛନ୍ତି, “ମୁଁ ମୋର କଥାକୁ ଫେରାଇ ନେଉଛି, ମୋର ଉଦ୍ଦେଶ୍ୟ କାହାର ଭାବନାକୁ ଆଘାତ କରିବା ନୁହେଁ। ମୁଁ ବ୍ୟକ୍ତିଗତ ଭାବରେ ସାମନ୍ଥାଙ୍କୁ ପ୍ରଶଂସା କରିଚାଲିଛି, ଛାଡପତ୍ର ପରେ ସେ ତାଙ୍କ ଜୀବନରେ କିପରି ଆଗକୁ ବଢିଛନ୍ତି, ସେ ଲୋକଙ୍କୁ ବହୁତ ପ୍ରଭାବିତ କରିଛନ୍ତି। ” ଏହି ପ୍ରସଙ୍ଗରେ ପ୍ରତିକ୍ରିୟା ପ୍ରକାଶ କରି ସାମନ୍ଥା ତାଙ୍କ ବିବୃତ୍ତି ଜାରି କରି କହିଛନ୍ତି ଯେ ତାଙ୍କ ବ୍ୟକ୍ତିଗତ ଜୀବନ ବିଷୟରେ କୌଣସି ମନ୍ତବ୍ୟ ଦିଅନ୍ତୁ ନାହିଁ ଏବଂ ତାଙ୍କ ନାମକୁ ଆପଣଙ୍କର ରାଜନୈତିକ ୱାରରୁ ଦୂରେଇ ରଖନ୍ତୁ।
