ନୂଆଦିଲ୍ଲୀ : ରୁଷ୍-ୟୁକ୍ରେନ୍ ଯୁଦ୍ଧରେ ରୁଷ୍କୁ ସାହାଯ୍ୟ କରୁଥିବା ଶାସକ କିମ୍ ଜୋଙ୍ଗଙ୍କର ଅସଲ ଉଦ୍ଦେଶ୍ୟ ଏବେ ଜଣାପଡ଼ିଛି। ପୁଟିନଙ୍କର ଗତ ଉତ୍ତର କୋରିଆ ଯାତ୍ରା ପର ଠାରୁ ରୁଷ୍ ଓ ଉତ୍ତର କୋରିଆ ମଧ୍ୟରେ ବନ୍ଧୁତା ଖୁବ୍ ଗଭୀର ହୋଇଥିଲା। ଉଭୟ ନେତା ଏକାଠି ବୁଲିବାର ମଧ୍ୟ ଦେଖା ଯାଇ ଥିଲା। ହେଲେ ଏବେ ଏକ ରିପୋର୍ଟରେ ଦାବି କରାଯାଇଛି ଯେ, ରୁଷ୍କୁ ଯୁଦ୍ଧରେ ସାହାଯ୍ୟ କରିବା ବଦଳରେ ଉତ୍ତର କୋରିଆ ଏହା ପରିବର୍ତ୍ତେ ରୁଷ୍ର ଅଶୋଧିତ ତୈଳ ଚାହୁଁ ଥିଲା। ବାସ୍ତବିକ, ଏହା ଯେ , ବିଶ୍ୱରେ ଉତ୍ତର କୋରିଆ ଏକମାତ୍ର ଦେଶ, ଯାହାକୁ ଖୋଲା ବଜାରରେ ତୈଳ କିଣିବାକୁ ଅନୁମତି ନାହିଁ।
ବିବିସିର ରିପୋର୍ଟ ଅନୁସାରେ, ବ୍ରିଟେନ୍ର ଏକ ଏନଜିଓ ସାଟେଲାଇଟ୍ ଫଟୋକୁ ଦର୍ଶାଇ ଦାବି କରାଯାଇଛି କି, ରୁଷ୍ ପକ୍ଷରୁ ନର୍ଥ କୋରିଆକୁ ଲଗାତାର ଅଶୋଧିତ ତୈଳ ପଠାଉଛି। ଚଳିତ ବର୍ଷ ମାର୍ଚ୍ଚରୁ ନେଇ ଏବେସୁଦ୍ଧା ମସ୍କୋ ୧୦ ଲକ୍ଷ ବ୍ୟାରେଲରୁ ଅଧିକ ତୈଳ ପ୍ୟୋଙ୍ଗୟାଙ୍ଗ ପଠାଇ ସାରିଛି। ବ୍ରିଟେନର ପ୍ରମୁଖ ବିଶେଷଜ୍ଞ ଓ ବିଦେଶ ସଚିବ ଡେଭିଡ୍ ଲେମୀଙ୍କ ଅନୁସାରେ, ରୁଷ ପକ୍ଷରୁ ପଠାଯାଉଥିବା ଅଶୋଧିତ ତୈଳ ସେହି ସୈନିକ ଓ ହତିଆରର ପେମେଣ୍ଟ , ଯାହା ଉତ୍ତର କୋରିଆ ଯୁଦ୍ଧକୁ ପଠାଇଛନ୍ତି।
ସାଟେଲାଇଟ୍ ଫଟୋ ଅନୁସାରେ , ଉତ୍ତର କୋରିଆର ଜାହାଜ ଗତ ୮ ମାସରେ ୪୩ ଥର ରୁଷ୍ର ତୈଳ ଟର୍ମିନାଲର ଆଖପାଖରେ ନଜର ଆସିଛି। ସାଟେଲାଇଟ୍ ଫଟୋରୁ ଆହୁରି ମଧ୍ୟ ନଜର ଆସୁଛି ଯେ, ଉତ୍ତର କୋରିଆରୁ ଟ୍ୟାଙ୍କର ଖାଲି ଆସୁଛି ଏବଂ ଫେରିବା ବେଳେ ତୈଳ ଭର୍ତ୍ତି ହୋଇ ଯାଉ ଥିବାର ଦେଖା ଯାଉଛି। ରିପୋର୍ଟରେ କୁହାଯାଉଛି କି, ରୁଷ୍ର ଭିଷ୍ଟୋଚନ ପୋର୍ଟ ଯାଏ ଯିବା ଓ ଫେରିବା ବେଳେ ,ଉତ୍ତର କୋରିଆର ଜାହାଜ ନିଜର ଗତିବିଧିକୁ ଲୁଚାଇବା ପାଇଁ ନିଜର ଟ୍ରାକର୍ସକୁ ବନ୍ଦ ରଖିଥାନ୍ତି।
