ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ୍ ମାଲିକ ତଥା ଜଣାଶୁଣା ବ୍ୟବସାୟୀ ମୁକେଶ ଅମ୍ବାନୀଙ୍କ ଘରେ ଆରଏସଏସ ମୁଖ୍ୟ ମୋହନ ଭଗବତ ଆଜି ପହଞ୍ଚିଥିଲେ । ମୋହନ ଭଗବତଙ୍କୁ ସ୍ୱାଗତ କରିବା ପାଇଁ ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀ ପୂର୍ବରୁ ଫାଟକ ସମ୍ମୁଖରେ ଉପସ୍ଥିତ ଥିଲେ ଏବଂ ମୋହନ ଭଗବତ ପହଞ୍ଚିବା ମାତ୍ରେ ସେ ତାଙ୍କ ପାଦ ଛୁଇଁ ଆଶୀର୍ବାଦ ନେଇଥିଲେ ।
କୁହାଯାଉଛି ଯେ, ଅନନ୍ତ ଅମ୍ବାନୀଙ୍କ ବିବାହ ପୂର୍ବରୁ ସମସ୍ତ ବଡ ବଡ ଭିଭିଆଇପିଙ୍କ ସହ ଫଟୋସୁଟ ଚାଲିଛି ଏବଂ ଏହି କ୍ରମରେ ମୋହନ ଭଗବତ ଆଜି ଅମ୍ବାନୀଙ୍କ ଘର ଆଣ୍ଟିଲିଆରେ ପହଞ୍ଚିଥିଲେ । ସୂଚନାଥାଉକି, ମୁକେଶ ଅମ୍ବାନୀ ଏବଂ ନୀତା ଅମ୍ବାନୀଙ୍କ ଘରେ ପୁଣିଥରେ ମେଗା ସେଲିବ୍ରେସନ ଆରମ୍ଭ ହେଉଛି । ଏହାପୂର୍ବରୁ ଅନନ୍ତ ଅମ୍ବାନୀଙ୍କ ପ୍ରି ଓ୍ବେଡିଂ ସେଲିବ୍ରେସନକୁ ନେଇ ଅନେକ ଚର୍ଚ୍ଚା ହୋଇଥିଲା । ବର୍ତ୍ତମାନ ଏବେ ସେମାନଙ୍କର ବିବାହ ଉତ୍ସବର ସମୟ ଆସିଛି ।
ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ବିବାହ ଆସନ୍ତା ମାସରେ ଅର୍ଥାତ୍ ୧୨ ଜୁଲାଇରେ ହେବ । ଏଥିପାଇଁ ଏବେ ସେଲିବ୍ରିଟିଙ୍କ ଭିଡ ହେବା ଆରମ୍ଭ ହୋଇସାରିଛି । ଏହି ଗ୍ରାଣ୍ଡ ଓ୍ବେଡିଂ କାର୍ଯ୍ୟକ୍ରମ କେବଳ ମୁମ୍ବାଇରେ ଅନୁଷ୍ଠିତ ହେବ। ଏହା ପରେ, ୧୩ ଜୁଲାଇରେ ଏକ ଆଶୀର୍ବାଦ କାର୍ଯ୍ୟକ୍ରମ ଏବଂ ୧୪ ଜୁଲାଇରେ ସେମାନଙ୍କର ଗ୍ରାଣ୍ଡ ରିସେପ୍ସନ୍ ହେବ ।
ତେବେ ଅନନ୍ତ ଅମ୍ବାନୀ ହେଉଛନ୍ତି ରିଲାଏନ୍ସ ଇଣ୍ଡଷ୍ଟ୍ରିଜ୍ ଚେୟାରମ୍ୟାନ୍ ମୁକେଶ ଅମ୍ବାନୀ ଏବଂ ତାଙ୍କ ପତ୍ନୀ ନୀତା ଅମ୍ବାନୀଙ୍କ ସାନ ପୁଅ । ସେ ମୁମ୍ବାଇର ଏନକୋର ହେଲଥ କେୟାର ସିଇଓ ବିରେନ୍ ମର୍ଚାଣ୍ଟ ଏବଂ ଶିଲା ମର୍ଚାଣ୍ଟଙ୍କ ଝିଅ ରାଧିକା ମର୍ଚାଣ୍ଟଙ୍କୁ ବିବାହ କରିବାକୁ ଯାଉଛନ୍ତି ।