ମୁମ୍ବାଇ,୨୮।୮: ରିଲାଏନ୍ସ ଇଣ୍ଡଷ୍ଟ୍ରୀର ୪୬ ତମ ଏଜିଏମ୍‌ରେ ବଡ ଖବର ସାମନାକୁ ଆସିଛ। ମୁକେଶ ଅମ୍ବାନୀଙ୍କ ପତ୍ନୀ ନୀତା ଅମ୍ବାନି ରିଲାଏନ୍ସ ଇଣ୍ଡଷ୍ଟ୍ରୀରୁ ଇସ୍ତଫା ଦେଇଛନ୍ତି। ଏବେ ତାଙ୍କ ସ୍ଥାନରେ ଇଶା ଅମ୍ବାନିଙ୍କୁ ନିଯୁକ୍ତ କରାଯାଇଛି। ଆରଆଇଏଲ ବୋର୍ଡର ନିର୍ଦେଶକ ମଣ୍ଡଳୀରେ ଇଶା ଅମ୍ବାନୀ, ଆକାଶ ଅମ୍ବାନୀ ଓ ଅନନ୍ତ ଅମ୍ବାନୀଙ୍କ ନିଯୁକ୍ତିର ସୁପାରିଶ କରାଯାଇଛି। ନୀତା ଅମ୍ବାନୀ ବୋର୍ଡରୁ ହଟି ଯିବେ। ସେଭଳି ସେ ରିଲାଏନ୍ସ ଫାଉଣ୍ଡେସନ୍‌ର ଚେୟାରମ୍ୟାନ୍‌ ରହିବେ। ରିଲାଏନ୍ସର ଏଜିଏମ୍‌ରେ ରିଲାୟନ୍ସ ରିଟେଲର ଆଇପିଓକୁ ନେଇ ମଧ୍ୟ ବଡ଼ ଖବର ସାମନାକୁ ଆସିପାରେ।

ମୁକେଶ ଅମ୍ବାନୀ କହିଛନ୍ତି, ଆର୍ଥିକ ବର୍ଷ ୨୦୨୩ ରେ ରିଲାଏନ୍ସ ୨.୬ ଲକ୍ଷ ନୂଆ ଲୋକଙ୍କୁ ଚାକିରୀ ଦେଇଛନ୍ତି। ସେ କହିଛନ୍ତି, ରିଲାଏନ୍ସରେ ବର୍ତ୍ତମାନ ସମୟରେ ଅନରୋଲ କର୍ମଚାରୀଙ୍କ ସଂଖ୍ୟା ୩.୯ ଲକ୍ଷ ଟଙ୍କା ହୋଇସାରିଛି। ସେ କହିଛନ୍ତି, ଆମେ ଯେତେ ପରୋକ୍ଷ ଜୀବିକା ଅବସର ସୁଯୋଗ କରିଛି ତାହା ବହୁ ଗୁଣା ଅଧିକ। ମୁକେଶ ଅମ୍ବାନୀ ସୂଚନା ଦେଇ କହିଛନ୍ତି, ରିଲାଏନ୍ସର କନସୋଲିଡେଟ୍‌ ରେଭିନ୍ୟୁ ୯,୭୪,୮୬୪ କୋଟି ଟଙ୍କା ରହିଛି। ଯାହାକି ଆର୍ଥିକ ବର୍ଷ ୨୦୨୩ରେ ରିଲାଏନ୍ସର ଇବିଆଇଟିଡିଏ ୧,୫୩,୯୨୦ କୋଟି ଟଙ୍କା ଥିଲା, ସେଭଳି ନେଟ୍‌ ପ୍ରଫିଟ୍‌ ୭୩,୬୭୦ କୋଟି ଥିଲା।

ମୁକେଶ ଅମ୍ବାନୀ କହିଛନ୍ତି, ଭାରତରେ ଚାଲୁ ମୋଟ ୫ଜି ସେଲ୍‌ରେ ପ୍ରାୟ ୮୫ ପ୍ରତିଶତ ଜିଓର ନେଟଓ୍ବର୍କରେ ରହିଛି। କମ୍ପାନୀ ନିଜର ନେଟଓ୍ବର୍କରେ ପ୍ରତି ୧୦ ସେକେଣ୍ଡରେ ଏକ ୫-ଜି ସେଲ୍‌ ଯୋଡୁଛି ଓ ଡିସେମ୍ବର ପର୍ଯ୍ୟନ୍ତ ଆମ ପାଖରେ ପ୍ରାୟ ୧ ମିଲିୟନ ୫ ଜି ସେଲ୍‌ ଚାଲୁ ହୋଇଯିବ।’