ନୂଆଦିଲ୍ଲୀ,୧୪।୧୦: ପୁଣି ବଢ଼ିଲା ଖୁଚୁରା ମୁଦ୍ରୀସ୍ଫୀତି ହାର । ଦେଶରେ ଖୁଚୁରା ମୁଦ୍ରାସ୍ଫୀତି ହାର ସେପ୍ଟେମ୍ବରରେ ବଢି ୫.୪୯% ପହଁଞ୍ଚି ଯାଇଛି। ଏହା ଅଗଷ୍ଟରେ ୩.୬୫% ଥିଲା। ସୋମବାର ୧୪ ଅକ୍ଟୋବରରେ ଜାରି ସରକାରୀ ତଥ୍ୟ ଅନୁସାରେ, ପରିବା ଦାମ୍ ବଢିବା କାରଣରୁ ଗତ ଦୁଇ ମାସରେ ୪% ତଳେ ରହିବା ପରେ ସେପ୍ଟେମ୍ବରରେ ଭାରତର ଖୁଚୁରା ମୁଦ୍ରାସ୍ଫୀତି ୯ ମାସରେ ୫.୫%ରେ ପହଁଞ୍ଚି ଯାଇଛି। କଞ୍ଜୁମର ପ୍ରାଇସ୍ ଇଣ୍ଡେକ୍ସ ଆଧାରିତ ମୁଦ୍ରାସ୍ଫୀତି ଗତ ବର୍ଷ ସେପ୍ଟେମ୍ବର ମାସରେ ୫.୦୨% ଥିଲା।
ଜାତୀୟ ପରିସଂଖ୍ୟାନ କାର୍ଯ୍ୟାଳୟ (ଏନ୍ଏସ୍ଓ)ର ତଥ୍ୟ ଅନୁସାରେ, ଖାଦ୍ୟ ବସ୍ତୁର ଦରଦାମ୍ ବୃଦ୍ଧି ସେପ୍ଟେମ୍ବର ମାସରୁ ବଢି ୯.୨୪% ହୋଇଯାଇଛି, ଯାହାକି ଗତ ମାସ ଅଗଷ୍ଟରେ ୫.୬୬% ଓ ଏକ ବର୍ଷ ପୂର୍ବେ ଚଳିତ ମାସରେ ୬.୬୨% ଥିଲା। ଭାରତୀୟ ରିଜର୍ଭ ବ୍ୟାଙ୍କକୁ ଖୁଚୁରା ମୁଦ୍ରାସ୍ଫୀତି ଦୁଇ ପ୍ରତିଶତ ହ୍ରାସ କରି ୪% ରଖିବାର ଦାୟିତ୍ବ ମିଳିଥିଲା। କେନ୍ଦ୍ରୀୟ ବ୍ୟାଙ୍କ ଦରଦାମ୍ ବୃଦ୍ଧିର ଲକ୍ଷ୍ୟ ଅନୁରୂପ ଆଣିବା ଲକ୍ଷ୍ୟରେ ଗତ ସପ୍ତାହରେ ଆଗତ କରିଥିବା ମୁଦ୍ରା ନୀତି ସମୀକ୍ଷାରେ ପ୍ରମୁଖ ନୀତିଗତ ଦର ରେପୋରେ କୌଣସି ପରିବର୍ତ୍ତନ କରିନାହିଁ।
ଅନ୍ୟପକ୍ଷେ ଖାଦ୍ୟ ପେୟ ଜିନିଷ ଦାମ୍ ବଢାଇବା ଓ ଅନ୍ୟ ମାନୁଫାକଚରିଂ ମୋଟର ବାହାନ, ଟ୍ରେଲର, ମେସିନାରୀ ଓ ଉପକରଣର ନିର୍ମାଣ ଆଦିର ମୂଲ୍ୟ ବଢିଇବା କାରଣରୁ ଚଳିତ ବର୍ଷ ସେପ୍ଟେମ୍ବରରେ ହୋଲସେଲ୍ ପ୍ରାଇସ୍ ଇଣ୍ଡେକ୍ସ(ଡବ୍ଲୁପିଆଇ) ଆଧାରିତ ଦରଦାମ୍ ବୃଦ୍ଧି ବାର୍ଷିକ ଆଧାରରେ ଅଗଷ୍ଟ ୨୦୨୪ ରେ ୩.୨୬% ବଢି ସେପ୍ଟେମ୍ବର ୨୦୨୪ ରେ ୯.୪୭% ହୋଇଯାଇଛି। ବାଣିଜ୍ୟ ମନ୍ତ୍ରଣାଳୟ ସୋମବାର ଏନେଇ ବିଜ୍ଞପ୍ତି ଜାରି କରିଛି।
