ନୂଆଦିଲ୍ଲୀ,୨୫/୬ : ୧୮ତମ ଲୋକସଭାର ପ୍ରଥମ ଅଧିବେଶନର ଆରମ୍ଭ ସୋମବାର ହୋଇସାରିଛି । ଆଜି ସଂସଦ ଅଧିବେଶନର ଦ୍ବିତୀୟ ଦିନ ରହିଛି । ସ୍ପିକର ପଦକୁ ନେଇ ସରକାର ଏବଂ ବିପକ୍ଷଙ୍କ ମଧ୍ୟରେ ସହମତି ହୋଇନାହିଁ । ଏଥିଲାଗି ଏବେ ବିପକ୍ଷଙ୍କ ତରଫରୁ ଲୋକସଭା ପଦ ଲାଗି ପ୍ରାର୍ଥୀ ଓହ୍ଲାଯାଇଛି । ବିପକ୍ଷଙ୍କ ତରଫରୁ କେ ସୁରେଶ ନାମାଙ୍କନ ଦାଖଲ କରିଛନ୍ତି । ପ୍ରକାଶ ଯେ, ବିପକ୍ଷ ଡେପୁଟୀ ସ୍ପିକର ପଦର ଦାବି କରିଥିଲେ, ଯାହା ଉପରେ ସହମତି ହୋଇନାହିଁ । ପ୍ରକାଶ ଯେ, ଏହାକୁ ନେଇ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ ସଂସଦୀୟ କାର୍ଯ୍ୟ ମନ୍ତ୍ରୀ କିରଣ ରିଜିଜୁ ବିପକ୍ଷ ପ୍ରମୁଖ ନେତାଙ୍କ ସହ କଥା ହୋଇଛନ୍ତି । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ, ସପା ପ୍ରମୁଖ ଅଖିଳେଶ ଯାଦବ, ଡିଏମକେ ପ୍ରମୁଖ ଏମ କେ ଷ୍ଟାଲିନ ଏବଂ ଟିଏମସି ପ୍ରମୁଖ ମମତା ବାନାର୍ଜୀଙ୍କ ସହ ଏହା ଉପରେ ଚର୍ଚ୍ଚା କରିଛନ୍ତି । ଲୋକସଭା ସ୍ପିକର ରେସରେ ସବୁଠାରୁ ଆଗରେ ଓମ୍ ବିରଲାଙ୍କୁ କୁହାଯାଉଥିଲା । କିନ୍ତୁ ଏବେ ତାଙ୍କୁ ସୁରେଶଙ୍କ ସହ ଟକ୍କର ଦେବାକୁ ପଡ଼ୁଛି ।
‘ଜୟ ହିନ୍ଦ, ଜୟ ସମ୍ବିଧାନ ’ : ଯେତେବେଳେ ଲୋକସଭାରେ ସାଂସଦ ପଦର ଶପଥ ନେବାକୁ ପହଞ୍ଚିଥିବା ରାହୁଲ ଗାନ୍ଧୀ ।
ତାଳିର ମାଡ଼ ଭିତରେ ଅଖିଳେଶ ଯାଦବ ନେଲେ ସାଂସଦ ପଦର ଶପଥ ।
ସମାଜବାଦୀ ପାର୍ଟି(ସପା) ସାଂସଦ ଡିମ୍ପଲ ଯାଦବ ୧୮ତମ ଲୋକସଭାର ସଦସ୍ୟ ରୂପରେ ଶପଥ ନେଇଥିଲେ ।
ଉତ୍ତରପ୍ରଦେଶର ମେରଠ ସଂସଦୀୟ କ୍ଷେତ୍ରରେ ନିର୍ବାଚିତ ଭାରତୀୟ ଜନତା ପାର୍ଟି(ବିଜେପି)ର ସାଂସଦ ଅରୁଣ ଗୋବିଲ ମଙ୍ଗଳବାର ଲୋକସଭାର ସଦସ୍ୟତାର ଶପଥ ସଂସ୍କୃତ ଭାଷାରେ ନେଇଛନ୍ତି । ଯେତେବେଳେ ଶପଥ ଲାଗି ଅରୁଣ ଗୋବିଲଙ୍କ ନାଁ ଡକାଗଲା ତ ସରକାରୀ ଦଳର କିଛି ସଦସ୍ୟ ‘ଜୟ ଶ୍ରୀ ରାମ’ର ନାରା ଲଗାଇଥିଲେ ।
‘ଜୟ ଭୀମ, ଜୟ ଭାରତ...’ ନଗୀନାରୁ ସାଂସଦ ଚନ୍ଦ୍ରଶେଖର ଆଜାଦ ସଂସଦ ସଦସ୍ୟ ଭାବେ ନେଇଛନ୍ତି ଶପଥ ।
କ୍ୟାରାନା ସାଂସଦ ଇକରା ହସନ ଚୌଧୁରୀ ଲୋକସଭା ସଦସ୍ୟ ଶପଥ ନେଇଛନ୍ତି ।
ଶପଥ ଲାଗି ଫ୍ୟାଜାବାଦ ସାଂସଦଙ୍କ ହିରୋ ଭଳି ଏଣ୍ଟ୍ରି ।
ଗୋରଖପୁରର ସାଂସଦ ରବି କିଶନ ଏକ ବିଶେଷ ଅନ୍ଦାଜରେ ଶପଥ ନେଇଛନ୍ତି ।