ନୂଆଦିଲ୍ଲୀ : ଅନେକ ରାଜ୍ୟରେ ଭୀଷଣ ଗରମ ଆରମ୍ଭ ହୋଇ ଯାଇଛି। ଗୁଜରାଟ , ରାଜସ୍ଥାନରେ ୫ରୁ ୯ ଅପ୍ରେଲ , ମଧ୍ୟ ପ୍ରଦେଶରେ ୭-୯ ଅପ୍ରେଲ, ଦକ୍ଷିଣୀ ପଞ୍ଜାବ , ହରିଆଣା ଓ ପଶ୍ଚିମୀ ଉତ୍ତର ପ୍ରଦେଶରେ ୭ରୁ ୮ ଅପ୍ରେଲରେ ହିଟ୍ୱେଭ୍ର ଚେତାବନୀ ଜାରି କରାଯାଇଛି। ଏହି ମଧ୍ୟରେ, ପଶ୍ଚିମୀ ହିମାଳୟୀ କ୍ଷେତ୍ରରେ ୮ ଅପ୍ରେଲରୁ ନୂଆ ପଶ୍ଚିମୀ ଝଡ଼ ଆସିବାକୁ ଯାଉଛି। ଏହି କାରଣରୁ ଜମ୍ମୁ-କାଶ୍ମୀର , ଲଦ୍ଦାଖ , ହିମାଚଳ ପ୍ରଦେଶ, ଉତ୍ତରାଖଣ୍ଡରେ ୮-୧୧ ଅପ୍ରେଲ ମଧ୍ୟରେ ବର୍ଷା ହେବ। ଝଡ଼ ତୋଫାନ ଓ ଖୁବ୍ ଜୋରରେ ପ୍ରବଳ ବହିବାର ମଧ୍ୟ ଅନୁମାନ ରହିଛି। ଏହା ବ୍ୟତୀତ , ଜମ୍ମୁକାଶ୍ମୀର , ଲଦ୍ଦାଖରେ ୯ ଅପ୍ରେଲରେ କୁଆ ପଥର ଖସିବ।
ଏହା ବ୍ୟତୀତ, ପୂର୍ବ ଭାରତରେ ୭ରୁ ୯ ଅପ୍ରେଲ ମଧ୍ୟରେ ଝଡ଼ ତୋଫାନ ଓ ବଜ୍ରପାତ ହେବାର ଚେତାବନୀ ଜାରି ରହିଛି। ଗତ ୨୪ ଘଣ୍ଟାର ପାଣିପାଗ କଥା ଯଦି କହିବା ତ, ଛତିଶଗଡ଼ , ରାୟଲସୀମା , ମଧ୍ୟ ମହାରାଷ୍ଟ୍ର , ଉତ୍ତରୀ ଇଣ୍ଟିରିୟର କର୍ଣ୍ଣାଟକ , ତାମିଲନାଡୁ , କେରଳରେ ଝଡ଼ ତୋଫାନ ସହ ପ୍ରବଳ ବର୍ଷା ହେବ।
ପ୍ରବଳ ଗରମ ମଧ୍ୟରେ ଅନେକ ରାଜ୍ୟରେ ବର୍ଷାର ଆଲର୍ଟ ଜାରି କରାଯାଇଛି। କେରଳ , ମାହେ ,କର୍ଣ୍ଣାଟକ , ଆନ୍ଧ୍ର ପ୍ରଦେଶ , ତାମିଲନାଡୁରେ ୫ ଓ ୬ ଅପ୍ରେଲ, ଆଣ୍ଡାମାନ ଓ ନିକୋବରରେ ୫ ଓ ୬ ଅପ୍ରେଲ , ପୂର୍ବୋତ୍ତର ଭାରତରେ ୫ରୁ ୯ ଅପ୍ରେଲ, ବିହାର, ଓଡ଼ିଶା ,ପଶ୍ଚିମବଙ୍ଗ , ଝଡ଼ଖଣ୍ଡରେ ୭ରୁ ୯ ଅପ୍ରେଲ ମଧ୍ୟ ବର୍ଷା ହେବାର ସମ୍ଭାବନା ଓ ଘଣ୍ଟା ପ୍ରତି ୫୦ କିଲୋମିଟର ବେଗରେ ଖୁବ୍ ପବନ ବହିବ। ଆସାମା , ମେଘାଳୟରେ ୫ ଓ ୬ ଅପ୍ରେଲ, ବିହାରରେ ୮ ଅପ୍ରେଲରେ କୁଆପଥର ବର୍ଷିବ। କେରଳ , ମାହେ ,ତାମିଲନାଡୁରେ ୫ଓ ୬ ଅପ୍ରେଲ , ସାଉଥ୍ ଇଣ୍ଟିରିୟର କର୍ଣ୍ଣାଟକରେ ୫ , ଆସାମରେ ପ୍ରବଳ ବର୍ଷା ହୋଇପାରେ।
ଉତ୍ତର ପଶ୍ଚିମ ଭାରତରେ ୫-୮ ଅପ୍ରେଲ ମଧ୍ୟରେ ୩ରୁ ୫ ଡିଗ୍ରୀ ତାପମାତ୍ରା ବଢି ଯିବ, କିନ୍ତୁ ପୁଣି ୯-୧୦ ଅପ୍ରେଲରେ ୨-୩ ଡିଗ୍ରୀ ଯାଏ ପାରା ଖସିବ। ମଧ୍ୟ ଭାରତରେ ୫ରୁ ୭ ଅପ୍ରେଲ ମଧ୍ୟରେ ପାରା ୩-୫ ଡିଗ୍ରୀ ଯାଏ ବଢିବାର ସମ୍ଭାବନା ଅଛି। ସେପଟେ ଗୁଜରାଟରେ ୫ ଓ ୬ ଅପ୍ରେଲରେ ସର୍ବାଧିକ ତାପମାତ୍ରାରେ ଦୁଇ ଡିଗ୍ରୀ ସେଲସିୟସର ବୃଦ୍ଧି ହୋଇ ପାରେ।
