ନୂଆଦିଲ୍ଲୀ : ଶିବସେନା (ସିନ୍ଦେ ଗୋଷ୍ଠୀ) ର ସୋସିଆଲ ମିଡ଼ିଆ ପ୍ରଭାରୀ ରାହୁଲ କନାଲଙ୍କର ଦାବି ଯେ ପ୍ରସିଦ୍ଧ ଟିକେଟ୍ ବୁକିଂ ପ୍ଲାଟଫର୍ମ BookMyShow ଷ୍ଟାଣ୍ଡଅପ୍ କମେଡିଆନ କୁନାଲ କାମରାଙ୍କ ନାଁକୁ ନିଜର ସେଲ୍ ଓ ଆର୍ଟିଷ୍ଟ ଲିଷ୍ଟ୍ରୁ ହଟାଇ ଦେଇଛି। ଏହି ନିଷ୍ପତ୍ତି ପାଇଁ କନାଲ ବୁକମାଇଁଶୋ’ର ସିଇଓ ଆଶୀଷ ହେମରାଜାନୀଙ୍କୁ କୃତଜ୍ଞତା ଜଣାଇଛନ୍ତି।
ରାହୁଲ କନାଲ ଏକ ଚିଠିରେ ଲେଖିଛନ୍ତି , ଆପଣଙ୍କ ଦ୍ୱାରା ଏମିତି କଳାକାରଙ୍କୁ ପ୍ଲାଟଫର୍ମରୁ ହଟାଇବା ଓ ସର୍ଚ୍ଚ ହିଷ୍ଟ୍ରୀରୁ ମଧ୍ୟ କାଢିବା ଏକ ବଡ଼ ପଦକ୍ଷେପ। ଏଥିରେ ଶାନ୍ତି ଓ ଲୋକଙ୍କର ଭାବନା ବଜାୟ ରହିଛି। ମୁମ୍ୱାଇବାସୀ ପ୍ରତି କଳାକୁ ପସନ୍ଦ କରନ୍ତି , କିନ୍ତୁ ବାହାର ବ୍ୟକ୍ତିଗତ ରାଜନୀତିକୁ ନୁହେଁ । ହେଲେ ବୁକ୍ ମାଇଁଶୋ ପକ୍ଷରୁ ବର୍ତ୍ତମାନ କୌଣସି ଅଫିସିଆଲି ପ୍ରତିକ୍ରିୟା ଆସି ନାହିଁ। କମ୍ପାନୀ କେବଳ ଏତିକି କହିଛି ଯେ , ଏହାକୁ ନଜରରେ ରଖି ଏବେ କୌଣସି ଟିପ୍ପଣୀ କରାଯିବ ନାହିଁ।
ଉଲ୍ଲେଖନୀୟ ଯେ , କନାଲ ପୂର୍ବରୁ ଚିଠି ଲେଖି ବୁକ୍ମାଇଁଶୋରୁ କୁନାଲ କାମରାଙ୍କ ଶୋ’ର ଟିକେଟ୍ ବିକ୍ରି ଉପରେ ରୋକ୍ ଲଗେଇବାକୁ ଦାବି କରିଥିଲେ। କନାଲ ନିଜ ଚିଠିରେ ଲେଖି ଥିଲେ , ଏହା କୌଣସି ବି ମଞ୍ଚର (ପ୍ଲାଟଫର୍ମ) ନୈତିକ ଦାୟିତ୍ୱ ଯେ ,ସେ ଏହି କଳାକାର, ଶୋ ବା କାର୍ଯ୍ୟକ୍ରମ ଠାରୁ ଦୂରେଇ ରୁହନ୍ତୁ , ଯେଉଁଥିରେ କିଛି ସଦିଗ୍ଧ ଜଣାପଡ଼େ ବା ଯାହା ଦେଶର ଆଇନର ବିରୁଦ୍ଧରେ। ଯେପର୍ଯ୍ୟନ୍ତ ତାହା ଆଇନ ଦ୍ୱାରା ସ୍ପଷ୍ଟ ନହୋଇଛି ଯେ ,ତାଙ୍କର ଶୋ’ର କଣ୍ଟେଣ୍ଟରେ କିଛି ବି ଗଡ଼ବଡ଼ ନାହିଁ , ସେପର୍ଯ୍ୟନ୍ତ ତାଙ୍କୁ ଏମିତି କଳାକାରଙ୍କୁ ଦୂରରେ ରଖିବା ଉଚିତ୍।
କନାଲ ଲେଖିଛନ୍ତି , କୁନାଲ କାମରାଙ୍କୁ ଶୋ ପାଇଁ ଏକ ମଞ୍ଚ ଦେଇ ବୁକମାଇଁଶୋ ଅଜାଣତରେ ଏକ ଏମିତି କଳାକାରଙ୍କୁ ବିଶ୍ୱସନୀୟତା ଓ ପ୍ଲାଟଫର୍ମ ଉପଲବ୍ଧ କରାଇଛି, ଯାହାଙ୍କର କାର୍ଯ୍ୟ ସାର୍ବଜନିକ ବ୍ୟବସ୍ଥାକୁ ବିପଦ ପହଞ୍ଚାଇଛି। ମୁଁ ଅନୁରୋଧ କରୁଛି କି, ଆଗକୁ କୁନାଲ କାମରାଙ୍କ ଶୋ’କୁ ପ୍ରକାଶିତ ବା ପ୍ରଚାରିତ କରିବାରୁ ନିବୃତ୍ତ ରୁହ ।
କହି ରଖୁଛୁ କି , ନିକଟରେ କୁନାଲ କାମରା ମୁମ୍ୱାଇରେ ଏକ ପ୍ରଦର୍ଶନ ବେଳେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ଗଦ୍ଦାର କରିଥିଲେ। ଏହାପରେ ମାମଲା ସରଗରମ ହୋଇ ଥିଲା ଏବଂ କାମରାଙ୍କ ଶୋ ‘ ହୋଇଥିବା ଷ୍ଟୁଡିଓରେ ଶିବସେନା କର୍ମୀ ପଶି ଭଙ୍ଗାରୁଜା କରି ଥିଲେ। ଉକ୍ତ ମାମଲାରେ ରାହୁଲ କନାଲଙ୍କ ସମେତ ଅନେକ ଶିବସେନା କର୍ମୀଙ୍କ ବିରୋଧରେ କେସ୍ ମଧ୍ୟ ରୁଜୁ କରାଯାଇଛି। ମୁମ୍ୱାଇ ପୁଲିସ ମଧ୍ୟ କାମରାଙ୍କୁ ୩ଥର ସମନ ପଠାଇଛି , କିନ୍ତୁ ଖବର ଅଛି ଯେ ସେ ପୁଡୁଚେରୀରେ ଅଛନ୍ତି ଏବଂ ଏପର୍ଯ୍ୟନ୍ତ ହାଜର ହୋଇ ନାହାନ୍ତି।
