ଜଳେଶ୍ୱର,୦୯/୦୧: ଜଳେଶ୍ୱରରେ ବଡ ଧରଣର ରେଡ । ବେଆଇନ ଲଘୁ ଖଣିଜ ପରିବହନ ବେଳେ ମାଡ଼ି ବସିଲା ଜିଲ୍ଲା ପ୍ରଶାସନ ବିଭାଗ । ଏହି ଚଢାଉରେ ୧୧ଟି ଗାଡ଼ି ଜବତ କରାଯାଇଥିବା ବେଳେ ୨୧ ଜଣଙ୍କୁ ଅଟକ ରଖାଯାଇଛି । ବାଲେଶ୍ୱର ଜିଲ୍ଲା ଜଣେଶ୍ୱର ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଜଳେଶ୍ୱରରେ ବେଆଇନ ଲଘୁ ଖଣିଜ ପରିବହନ କରାଯାଉଥିବା ନେଇ ଜିଲ୍ଲା ପ୍ରଶାସନ ବିଭାଗ ଏକ ବିଶେଷ ସୂତ୍ରରୁ ଖବର ପାଇଥିଲା। ଏହା ଜାଣିବା ପରେ ବିଳମ୍ବିତ ରାତିରେ ଉପ ଜିଲ୍ଲାପାଳଙ୍କ ନେତୃତ୍ୱରେ ଏକ ସ୍ବତନ୍ତ୍ର ଟିମ୍ ୬୦ ନମ୍ୱର ଜାତୀୟ ରାଜପଥର ଚାଲନ୍ତି ବାଇପାସ ନିକଟରେ ଚଢାଉ କରିଥିଲା । ଏହି ଚଢାଉରେ ମୋରମ , ଚିପ୍ସ , ମାଟି ଗାଡ଼ିକୁ ଅଟକାଇ ଯାଞ୍ଚ କରିଥିଲେ । ଯାଢ୍ଚ କରିବା ପରେ ୯ଟି ହାଇୱା, ଏକ ଟ୍ରାକ୍ଟର ଏବଂ ଏକ ଜେସିବି ଜବତ କରି ଜଳେଶ୍ୱର ପୋଲିସକୁ ହସ୍ତାନ୍ତର କରିଛନ୍ତି ।
