ଭୋଗରାଇ, ୦୧ /୦୧ : ନୂଆବର୍ଷ ପିକନିକ୍ ପାଇଁ ଯାଇଥିବା ବେଳେ ଦୁଇ ଗାଡ଼ି ମୁହାଁମୁହିଁ ଧକ୍କା । ମୟୁରଭଞ୍ଜ ଅଞ୍ଚଳର ୬ ପର୍ଯ୍ୟଟକ ଗୁରୁତର । ସମସ୍ତ ଗୁରୁତର ପର୍ଯ୍ୟଟକଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ବାଲେଶ୍ୱର ଜିଲ୍ଲା ଭୋଗରାଇ ଅଞ୍ଚଳ ଦେଇ ଯାଇଥିବା ୫୭ ନମ୍ବର ରାଜ୍ୟ ରାଜପଥ ବେଣୁଦା ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, କିଛି ପର୍ଯ୍ୟଟକ ନୂଆବର୍ଷ ପିକନିକ୍ ପାଇଁ ବାହାରିଥିଲେ । ୫୭ ନମ୍ବର ରାଜ୍ୟରାଜପଥ ବେଣୁଦା ନିକଟରେ ଯିବା ବେଳେ ଆଉ ଏକ ପିକନିକ୍ ଗାଡ଼ି ସହ ମୁହାଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ ମୟୁରଭଞ୍ଜ ଅଞ୍ଚଳର ୬ ଜଣ ପର୍ଯ୍ୟଟକ ଗୁରୁତର ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ କମର୍ଦ୍ଦା ପୋଲିସ ପହଞ୍ଚି ସମସ୍ତ ଗୁରୁତରଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଇଛି । ଏହା ସହ ଘଟଣାସ୍ଥଳରେ ଉପସ୍ଥିତ ରହି ଘଟଣାର ତଦନ୍ତ ଚଳାଇଛି ପୋଲିସ ।
