ମୁମ୍ବାଇ,୦୭/୧୨: ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨' । ଗତ ଦୁଇଦିନ ତଳେ ଫିଲ୍ମଟି ରିଲିଜ ହୋଇଥିବା ବେଳେ ଦର୍ଶକଙ୍କ ଜିତୁଛି ମନ । ଆଶା ଠାରୁ ଭଲ ପ୍ରଦର୍ଶନ କରୁଛି ଫିଲ୍ମ । ୩୫୦ କୋଟି ବଜେଟରେ ନିର୍ମିତ 'ପୁଷ୍ପା ୨' ଓପନିଂ ଦିନ ଏହାର ୯୦% ବଜେଟ୍ କରିଛି ଆୟ । ପ୍ରଥମ ଦିନରେ ଦମଦାର ପ୍ରଦର୍ଶନ କରିଥିବା ବେଳେ ଦ୍ୱିତୀୟ ଦିନରେ ମଧ୍ୟ କରିଛି ବମ୍ପର କଲେକ୍ସନ । ଦୁଇ ଦିନ ମଧ୍ୟରେ ଫିଲ୍ମ ମୋଟ ୪୦୦ କୋଟିରୁ ଅଧିକ କରିଛି ବ୍ୟବସାୟ ।
ତେବେ ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨' ପ୍ରଥମ ଦିନରେ ବିଶ୍ୱ ବକ୍ସ ଅଫିସରେ ୨୯୪ କୋଟି ଟଙ୍କା ବ୍ୟବସାୟ କରିଥିଲା । ଯାହା ରଚିଥିଲା ଇତିହାସ । ସେହିପରି ଫିଲ୍ମଟି ଭାରତରେ ମଧ୍ୟ ୨୫୦ କୋଟି ପାର୍ କରିଛି । ତେବେ ଦ୍ୱିତୀୟ ଦିନରେ ରୋଜଗାର ସହ ପୁଷ୍ପା ୨ ଶାହାରୁଖ ଖାନଙ୍କ ଚଳଚ୍ଚିତ୍ର 'ଜବାନ' ସମେତ ସମସ୍ତ ଚଳଚ୍ଚିତ୍ରର ରେକର୍ଡ ଭାଙ୍ଗିଛି ।ପୁଷ୍ପା ୨' ଭାରତରେ ସମସ୍ତ ଭାଷାରେ ୧୭୪.୯ କୋଟି ଟଙ୍କା ସହ ଓପନିଂ କରିଥିଲା । ଦ୍ୱିତୀୟ ଦିନରେ ପୁଷ୍ପା ଭାରତରେ ୯୦.୧୦ କୋଟି ଟଙ୍କା ଆୟ କରିଛି । ସାକନିକଙ୍କ ରିପୋର୍ଟ ଅନୁଯାୟୀ, ଭାରତରେ 'ପୁଷ୍ପା ୨' ଦୁଇ ଦିନ ମଧ୍ୟରେ ୨୫୦ କୋଟିରୁ ଅଧିକ ଆୟ କରିଛି । ଘରୋଇ ବକ୍ସ ଅଫିସରେ 'ପୁଷ୍ପା ୨' ର ମୋଟ ନେଟ ୨୬୫ କୋଟି ବ୍ୟବସାୟ କରିଛି । ଯାହାଦ୍ବାରା ପୁଷ୍ପା ୨ ଦୁଇ ଦିନ ମଧ୍ୟରେ ବିଶ୍ୱରେ ୪୦୦ କୋଟି ଟଙ୍କା କରିଛି ପାର୍। ପ୍ରକାଶ ଥାଉକି, ୨୦୨୧ ରେ ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା ରିଲିଜ ହୋଇଥିବା ବେଳେ ଏହାର ୩ ବର୍ଷ ପରେ ଫିଲ୍ମର ସ୍ବିକେଲ ରଲିଜ ହୋଇଛି ।
