ନୂଆଦିଲ୍ଲୀ,୧୬/୦୧: ସୁସ୍ଥ ରହିବା ପାଇଁ ପ୍ରାୟତଃ ଅଧିକାଂଶ ଲୋକେ ପ୍ରୋଟିନ୍ ଯୁକ୍ତ ଖାଦ୍ୟ ଖାଇଥାଆନ୍ତି । ପ୍ରୋଟିନ୍ ଶରୀର ପାଇଁ ଅତ୍ୟନ୍ତ ଜରୁରୀ ଅଟେ । ଜିମ୍ ରେ ବ୍ୟାୟାମ କରୁଥିବା ଅଧିକାଂଶ ଲୋକେ ମସଲ୍ସ ପାୱାର ଓ ଷ୍ଟ୍ରେନ୍ଥ ବଢ଼ାଇବାକୁ ପ୍ରୋଟିନ୍ ସପ୍ଲିମେଣ୍ଟକୁ ଆପଣାଇ ଥାଆନ୍ତି । ତେବେ ବଜାରରେ ବିକ୍ରି ହେଉଥିବା ଏହି ପ୍ରୋଟିନ୍ ପାଉଡ଼ର ବା ସପ୍ଲିମେଣ୍ଟର ଗୁଣବତ୍ତା ଆଦୌ ଉକୃଷ୍ଟମାନର ନୁହେଁ । ବ୍ୟବସାୟିକ ଲକ୍ଷ୍ୟରେ ବିକ୍ରି ହେଉଥିବାରୁ ପ୍ରୋଟିନ୍ ପାଉଡ଼ରରେ କାଚ଼ ଓ କ୍ୟାଡମିୟମ୍ ପରି ଭାରୀ ଧାତୁ ଥାଇପାରେ ବୋଲି କ୍ଲିନ୍ ଲେବଲ୍ ପ୍ରୋଜେକ୍ଟ ରିପୋର୍ଟରୁ ଏହି ତଥ୍ୟ ସାମ୍ନାକୁ ଆସିଛି ।
ଆମେରିକାର ପରିବେଶ ସୁରକ୍ଷା ସଂସ୍ଥା ଅନୁଯାୟୀ, କୌଣସି ସ୍ତରର ସୀସା ମଣିଷ ପାଇଁ ସୁରକ୍ଷିତ ନୁହେଁ। ଏଥିସହ, କ୍ୟାଡମିୟମ୍ ହେଉଛି ଏକ କର୍କିନୋଜେନ ଯାହା ହାର୍ଟ, କିଡନୀ, ଅନ୍ତନଳୀ, ମସ୍ତିଷ୍କ, ଶ୍ୱାସକ୍ରିୟାକୁ ପ୍ରଭାବିତ କରେ। ବଜାରର ୮୩% ପ୍ରତିନିଧିତ୍ୱ କରୁଥିବା ୭୦ଟି ବ୍ରାଣ୍ଡର ୧୬୦ଟି ଉତ୍ପାଦ ପରୀକ୍ଷା ହୋଇଥିଲା।ଯେଉଁଥିରେ ସର୍ବାଧିକ ପରିମାଣର ଭାରୀ ଧାତୁ ମିଳିଥିବା ଜଣାପଡ଼ିଛି । ସୋୟା, ଚାଉଳ ଏବଂ ମଟରରୁ ପ୍ରସ୍ତୁତ ଅର୍ଗାନିକ ପାଉଡରରେ ତିନି ଗୁଣ ଅଧିକ ସୀସା ଥିବା ଜଣାପଡ଼ିଛି । ତେବେ ଚକୋଲେଟ୍-ସ୍ବାଦଯୁକ୍ତ ପାଉଡରରେ ୪ଗୁଣ ଅଧିକ ସୀସା ଏବଂ ଭାନିଲା-ସ୍ବାଦଯୁକ୍ତ ତୁଳନାରେ ୧୧୦ ଗୁଣ ଅଧିକ କ୍ୟାଡମିୟମ୍ ଥାଏ ।ସମାନ ଅଧ୍ୟୟନରୁ ଜଣାପଡିଛି ଯେ କ୍ଷତିକାରକ ବିପିଏ ପରି ବିସଫେନୋଲ ସ୍ତର, ପ୍ରୋଟିନ୍ ପାଉଡରରେ ପରୀକ୍ଷା ହୋଇଥିବା ୧୬୦ ପାଉଡର ମଧ୍ୟରୁ ୩ ଟିରେ ଚିହ୍ନଟ ହୋଇଥିଲା, ଯାହା ୨୦୧୮ ରେ ୫୫% ଥିଲା। ।
