ନୂଆଦିଲ୍ଲୀ,୦୪/୦୨: ମୋଟାପଣ ଏବେ ବଡ ସମସ୍ୟା ଭାବେ ଉଭା ହୋଇଛି । ଅସନ୍ତୁଳିତ ଖାଦ୍ୟପେୟ ମେଦବହୁଳତାର ପ୍ରମୁଖ କାରଣ ପାଲଟିଛି । ତେବେ ବୟସ ବଢିବା ସାଙ୍ଗକୁ ମୋଟାପଣ ଶାରୀରିକ ସମସ୍ୟା ସୃଷ୍ଟି କରିଥାଏ । ତେବେ ୫୦ ବର୍ଷ ବୟସ ପରେ ଆପଣ ଫିଟ୍ ରହିବାକୁ ଚାହୁଁଛନ୍ତି କି ? ୫୦ ବର୍ଷ ପରେ ବାୟ୍ୟାମ କରିବାକୁ କଷ୍ଟ ହେଉଥିଲେ ଓଜନ କମାଇବାକୁ ସହଜ ଟିପ୍ସ ଆପଣାନ୍ତୁ । କଣ କଲେ କମିବ ମୋଟାପଣ ଜାଣନ୍ତୁ ଏହି ରିପୋର୍ଟରେ ।
କ୍ୟାରୋରୀ କଣ୍ଟ୍ରୋଲ କରନ୍ତୁ- ୫୦ ବର୍ଷ ପରେ ଯଦି ଆପଣ ଓଜନ କମାଇବାକୁ ଚାହୁଁଛନ୍ତି ତେବେ ଅତ୍ୟଧିକ କ୍ୟାଲୋରୀ ନେବା କମ୍ କରନ୍ତୁ । ଯେତେବେଳେ ଆପଣ ଖାଉଛନ୍ତି ମଧ୍ୟାହ୍ନ କିମ୍ବା ରାତ୍ରୀ ଭୋଜନ କରୁଛନ୍ତି ସେଥିରେ କେତେ କ୍ୟାଲୋରୀ ରହୁଛି ତାହା ଉପରେ ଧ୍ୟାନ ଦିଅନ୍ତୁ । ଅତ୍ୟଧିକ କ୍ୟାଲୋରୀରୁ ବଞ୍ଚନ୍ତୁ । ଯେତେ କମ୍ ପରିମାଣ ଖାଇବେ ସ୍ବାସ୍ଥ୍ୟ ପାଇଁ ସେତେ ଉପଯୋଗୀ ।
ଏହା ବି ପଢନ୍ତୁ...ବିଶ୍ୱ କର୍କଟ ଦିବସ ୨୦୨୫, ଜାଣନ୍ତୁ ଏହି ରୋଗରୁ ରକ୍ଷା ପାଇବାର କିଛି ଉପାୟ
ହେଲଦି ରୁଟିନ ଫିକ୍ସ କରନ୍ତୁ- ଫ୍ଲେକ୍ସିବିଲିଟି ଓ ସନ୍ତୁଳନ ଉପରେ ଧ୍ୟାନ ଦିଅନ୍ତୁ । ଯୋଗ ଏବଂ ଷ୍ଟ୍ରିଚିଙ୍ଗ କରନ୍ତୁ । ଏଥିରେ ଆଘାତ ଲାଗିବା ସମ୍ଭାବନା କମ୍ ହୋଇଥାଏ । ହାତ, ଗୋଡ ବୁଲାଇବାରେ ସୁଧାର ଆସିଥାଏ ।
ସନ୍ତୁଳିତ ଆହାର ନିଅନ୍ତୁ- ପ୍ରୋଟିନ୍ ମୋଟାବୋଲିଜିମ୍କୁ ବଢାଇବାକୁ ଏବଂ ମାଂଶପେଶୀକୁ ସୁରକ୍ଷିତ କରିବାକୁ ସନ୍ତୁଳିତ ଆହାର ନିଅନ୍ତୁ । ସନ୍ତୁଳିତ ଆହାର ଏଥିରେ ଗୁରୁତ୍ବପୂର୍ଣ୍ଣ ଭୂମିକା ତୁଲାଇଥାଏ ।
ହେଲଦି ଖାଇବା ଖାଆନ୍ତୁ- ଡାଏଟ ପ୍ଲାନରେ ଫଳ, ସବୁଜ ପନିପରିବା, ଭାତ ଓ ପ୍ରୋଟିନଯୁକ୍ତ ଖାଦ୍ୟ ସାମିଲ କରନ୍ତୁ । ଏହା ଦ୍ବାରା ମାଂଶପେଶୀ ପାଇଁ ସହାୟକ ହେବ । ସ୍ମରଣଶକ୍ତି ବଢାଇବ ।
ପ୍ରୋସେସ୍ ଫୁଡରୁ ଦୂରରେ ରୁହନ୍ତୁ- ମୋଟାପାଣ କମାଇବାକୁ ଚାହୁଁଥିଲେ ବାହାର ଖାଦ୍ୟରୁ ଦୂରରେ ରୁହନ୍ତୁ । ବିଶେଷ କରି ପ୍ୟାକିଂ ଖାଦ୍ୟ ପଦାର୍ଥଠୁ ଦୂରରେ ରହିବା ବେଶ୍ ଲାଭାଦାୟକ ହେବ । ପ୍ରୋସେସ ଫୁଡ ସ୍ବାସ୍ଥ୍ୟ ପାଇଁ ସ୍ବାସ୍ଥ୍ୟକର ହୋଇନଥାଏ ।
