ତିଗିରିଆ, ୨୫/୦୭: କଟକ ଜିଲ୍ଲା ତିଗିରିଆ ଥାନା ଅନ୍ତର୍ଗତ ପୁରୁଣା ତିଗିରିଆ ହାଇସ୍କୁଲ ଖେଳ ପଡିଆରେ ଚାଲିଥିଲା ଜୁଆ ଆଡ୍ଡା । ଅତର୍କିତ ଚଢାଉ କରି ନଗଦ ୧୩ ହଜାର ୨୩୦ ଟଙ୍କା, ଏକ କାର୍, ବାଇକ୍, ନମ୍ୱର ବିହୀନ ସ୍କୁଟି, ୩ଟି ମୋବାଇଲ ଫୋନ୍ ଏବଂ ୩ ଟି ତାସ୍ ପ୍ୟାକେଟ୍ ଜବତ କରିଛି ପୁଲିସ । ଏଥିରେ ସମ୍ପୃକ୍ତ ଥିବା ତିଗିରିଆ ଗାଁର ବିଷ୍ଣୁ ଚରଣ ରାଉତଙ୍କୁ ପୁଲିସ ଗିରଫ କରିଛି ।
ସୂଚନା ମୁତାବକ, ପୁରୁଣା ତିଗିରିଆ ହାଇସ୍କୁଲ ଖେଳ ପଡିଆରେ ଜୁଆ ଆଡ୍ଡା ଚାଲିଥିବା ବେଳେ ପୁଲିସ ଅତର୍କିତ ଚଢାଉ କରିଥିଲା । ଚଢାଉ କରି ନଗଦ ୧୩ ହଜାର ୨୩୦ ଟଙ୍କା ଏକ କାର୍, ବାଇକ୍, ନମ୍ୱର ବିହୀନ ସ୍କୁଟି, ୩ଟି ମୋବାଇଲ ଫୋନ୍ ଏବଂ ୩ ଟି ତାସ୍ ପ୍ୟାକେଟ୍ ଜବତ କରିଛି ପୁଲିସ । ଏହି ଘଟଣାରେ ପୁଲିସ ଜଣଙ୍କୁ ଗିରଫ କରିଥିବା ବେଳେ ଅନ୍ୟ ୩ ଜଣ ଘଟଣାସ୍ଥଳରୁ ଫେରାର ହୋଇ ଯାଇଛନ୍ତି । ଏନେଇ ଥାନା ଅଧିକାରୀ ସମରେନ୍ଦ୍ର ପାଇକରାୟ ସୂଚନା ଦେଇଛନ୍ତି ।
