ନୂଆଦିଲ୍ଲୀ,୩୧/୦୧: ସିଦ୍ଧି... ବୁଦ୍ଧି ପ୍ରଦେ ଦେବୀ...ଭୁକ୍ତି ମୁକ୍ତି ପ୍ରଦାୟିନୀ..ମନ୍ତ୍ରମୂର୍ତ୍ତେ ସଦାଦେବୀ ମହାଲକ୍ଷ୍ମୀ ନମସ୍ତୁତେ... ମା' ଲକ୍ଷ୍ମୀଙ୍କ ସ୍ତୁତି ଗାନ କରି ବଜେଟ୍ ଅଧିବେଶନ ପୂର୍ବରୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶବାସୀ ତୃତୀୟ ଥର ସେବା କରିବାକୁ ସୁଯୋଗ ଦେଇଛନ୍ତି । ୨୦୪୭ ସୁଦ୍ଧା ବିକଶିତ ଭାରତ ଲକ୍ଷ୍ୟ । ଦେଶକୁ ସଶକ୍ତ କରିବାକୁ ନୂଆ ଆଇନ ପ୍ରଣୟନ ହେବ । ଦେଶକୁ ନୂଆ ଶକ୍ତି ଯୋଗାଇବ ଏ ବଜେଟ୍ । ବଜେଟ୍ ସେସନରେ ଏକାଧିକ ଐତିହାସିକ ବିଲ୍ ଆସିବ। ଏଥର ବଜେଟ ନୂଆ ବିଶ୍ବାସ ସୃଷ୍ଟି କରିବ ବୋଲି ସମ୍ବୋଧନରେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ପେବୃଆରୀ ପହିଲାରେ ବଜେଟ୍ ପେଡି ଖୋଲିବେ ଅର୍ଥମନ୍ତ୍ରୀ ନିର୍ମଳା ସୀତା ରମଣ । ବଜେଟ୍ ଅଧିବେଶନ ପୂର୍ବରୁ ଦେଶବାସୀଙ୍କୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି, ମା' ଲକ୍ଷ୍ମୀ ଆମକୁ ସିଦ୍ଧି ଓ ବିବେକ ପ୍ରଦାନ କରିଥାନ୍ତି । ସମୃଦ୍ଧି ଓ କଲ୍ୟାଣ କରିଥାନ୍ତି । ମୁଁ ଲକ୍ଷ୍ମୀ ପ୍ରାର୍ଥନା କରୁଛି ଦେଶର ଗରିବ ଓ ମଧ୍ୟବିତଙ୍କ ଉପରେ କୃପା ରହୁ । ଆମ ଗଣତନ୍ତ୍ରର ୭୫ବର୍ଷ ପୂରଣ ହୋଇଛି ଯାହା ଦେଶବାସୀଙ୍କ ପାଇଁ ଗୌରବପୂର୍ଣ୍ଣ । ଦେଶବାସୀ ତୃତୀୟ ଥର ସେବା କରିବାକୁ ସୁଯୋଗ ଦେଇଛନ୍ତି । ତୃତୀୟ କାର୍ଯ୍ୟକାଳର ଏହା ପ୍ରଥମ ପୂର୍ଣ୍ଣାଙ୍ଗ ବଜେଟ୍ । ମୁଁ ବିଶ୍ବାସର କହୁଛି ୨୦୪୭ ସୁଦ୍ଧା ଭାରତକୁ ବିକଶିତ କରିବା ଲକ୍ଷ୍ୟ । ଏହି ବଜେଟ୍ ଏକ ନୂଆ ବିଶ୍ବାସ ସୃଷ୍ଟି କରିବ ଦେଶକୁ ଶକ୍ତି ଦେବ । ୧୪୦ କୋଟି ଦେଶବାସା ସାମୂହିକ ପ୍ରୟାସରେ ଏହି ସଂକଳ୍ପକୁ ପୂରଣ କରିବେ । ମିଶନ ମୋଡରେ ଦେଶର ସର୍ବାଙ୍ଗିନ ବିକାଶ ମୋଡରେ ନେବା । ବଜେଟ୍ ସେସନରେ ଏକାଧିକ ଐତିହାସିକ ବିଲ ଉପରେ ଗୃହରେ ଚର୍ଚ୍ଚା ହେବ । ବିଶେଷ କରି ନାରୀ ଶକ୍ତିର ଗୌରବକୁ ପୁନଃ ପ୍ରସ୍ତାବିତ କରିବା ତାଙ୍କୁ ସମ୍ମାନପୂର୍ଣ୍ଣ ଜୀବନ ପ୍ରଦାନକୁ ଗୁରୁତ୍ବପୂର୍ଣ୍ଣ ନିର୍ଣ୍ଣୟ ନିଆଯିବ ।
ପ୍ରଧାନମନ୍ତ୍ରୀ ଆହୁରି କହିଛନ୍ତି, ଆମର ଯୁବା ଦେଶ, ଯୁବାଶକ୍ତି ୫୦ବର୍ଷରେ ପାଦ ଥାପିରେ ବିକଶିତ ଭାରତର ଲାଭ ଉଠାଇବେ । ଏକ ବିକଶିତ ଭାରତ ସହ ଆଗକୁ ବଢିବେ । ଏହି ବଜେଟ ଅଧିବେଶନରେ ସମସ୍ତ ସାଂସଦ ବିକଶିତ ଭାରତକୁ ମଜବୁତ କରିବାକୁ ଯୋଗଦାନ କରନ୍ତୁ । ବିଶେଷ କରି ଯୁବ ସାଂସଦଙ୍କ ପାଇଁ ସୁବର୍ଣ୍ଣ ସୁଯୋଗ । ସେସନରେ ଯେତେ ଭାଗ ନେବେ ତାଙ୍କ ପାଇଁ ମହତ୍ତ୍ବପୂର୍ଣ୍ଣ ହେବ । ଆମେ ଦେଶର ଆଶା, ଆକାକ୍ଷାଂକୁ ସଫଳ କରିବା ଦିଗରେ କାର୍ଯ୍ୟ କରିବା । ୨୦୧୪ରୁ ପରଠୁ ଏହା ପ୍ରଥମ ସଂସଦ ଅଧିବେଶନ ହେବ ଯାହା ବିଦେଶୀ ଚିଙ୍ଗାରୀ ବା ବିଦେଶୀ ଇଣ୍ଟରଫେରନ୍ସ ଦେଖିବାକୁ ମିଳିନାହିଁ । ୧୦ ବର୍ଷରେ ଏହା ପ୍ରଥମ ଥର ହୋଇଛି ।
#WATCH | #BudgetSession | PM Narendra Modi says, "You must have noticed, since 2014, this is the first Parliament session, which saw no 'videshi chingari' (foreign interference) in our affairs, in which no foreign forces tried to ignite a fire. I had noticed this before every… pic.twitter.com/WWPDw0LGmS
— ANI (@ANI) January 31, 2025
ଏହା ବି ପଢନ୍ତୁ...ଏଥର ବଜେଟ୍ରେ ୬ ବଡ଼ ଘୋଷଣା କରିପାରନ୍ତି ସୀତାରମଣ; ପେଟ୍ରୋଲ, ଡିଜେଲରୁ ଖସିପାରେ ଉତ୍ପାଦ ଶୁଳ୍କ
ଆର୍ଥିକ ବର୍ଷ ୨୦୨୫-୨୬ର ବଜେଟ୍ ଉପସ୍ଥାପନ ନେଇ କାଉଣ୍ଟଡାଉନ ଆରମ୍ଭ ହୋଇଛି । ଆସନ୍ତାକାଲି ( ଶନିବାର) ସଂସଦରେ ବଜେଟ୍ ଉପସ୍ଥାପନ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । କେନ୍ଦ୍ର ରାଜକୋଷର ହିସାବ ଦେବେ ଅର୍ଥମନ୍ତ୍ରୀ । ଏହା ଅର୍ଥମନ୍ତ୍ରୀଙ୍କ ଲାଗାତାର ଅଷ୍ଟମ ବଜେଟ୍ ହେବ । କେମିତ ରହିବ ବଜେଟ୍ କେଉଁ ସେକ୍ଟରକୁ କେତେ ବ୍ୟୟ ବରାଦ ହେବ ତାହା ଉପରେ ସମସ୍ତଙ୍କ ନଜର ରହିଛି । ୬ଟି ବଡ ଘୋଷଣା ହେବା ନେଇ ଆଶା କରାଯାଉଛି । ପ୍ରଧାନମନ୍ତ୍ରୀ ମୋଦିଙ୍କ ତୃତୀୟ ପାଳିର ପ୍ରଥମ ବଜେଟ୍ । ଶିକ୍ଷା,ସ୍ବାସ୍ଥ୍ୟ,କୃଷି ସେକ୍ଟରକୁ କେତେ ମିଳିବ ତାହା ଉପରେ ଦେଶବାସୀଙ୍କ ନଜର ରହିଛି ।
