ନୂଆଦିଲ୍ଲୀ,୩୧/୦୧: ଆଜିଠୁ ଆରମ୍ଭ ହୋଇଛି ସଂସଦ ବଜେଟ୍ ଅଧିବେଶନ । ଆସନ୍ତାକାଲି (ଶନିବାର) ଅର୍ଥାତ ଫେବୃଆରୀ ପହିଲାରେ ସାଧାରଣ ବଜେଟ୍ ଉପସ୍ଥାପନ ହେବ । ଏହା ପୂର୍ବରୁ ବଜେଟ ଅଧିବେଶନର ପ୍ରଥମ ଦିନରେ ଆର୍ଥିକ ବର୍ଷ ୨୦୨୫-୨୬ର ଅର୍ଥନୈତିକ ସର୍ଭେ ରିପୋର୍ଟ ଲୋକସଭାରେ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନର୍ମଳା ସୀତାରମଣ ।

ରାଷ୍ଟ୍ରପତିଙ୍କ ଅଭିଭାଷଣ ପରେ ବଜେଟ୍ ଅଧିବେଶନ ଆରମ୍ଭ ହୋଇଥିଲା । ଏହା ପରେ ଉଭୟ ଗୃହରେ ପୂର୍ବତମ ପ୍ରଧାନମନ୍ତ୍ରୀ ତଥା ସାଂସଦ ମନମୋହନ ସିଂହଙ୍କ ଉଦ୍ଦେଶ୍ୟରେ ଶୋକ ପ୍ରସ୍ତାବ ଆଗତ ହୋଇଥିଲା । ବାଚସ୍ପତିଙ୍କ ଅନୁମତି ପରେ ଲୋକସଭାରେ ୨୦୨୪-୨୫ର ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପନ କରିଥିଲେ ଅର୍ଥମନ୍ତ୍ରୀ ନର୍ମଳା ସୀତାରମଣ । ଅର୍ଥନୈତିକ ସର୍ଭେ ରିପୋର୍ଟରେ ଘରୋଇ ଅର୍ଥ ବ୍ୟବସ୍ଥା କିଭଳି ଥିଲା ତାହାକୁ ନେଇ ଏକ ମୂଲ୍ୟାୟନ ତଥ୍ୟା ସ୍ଥାନ ପାଇଛି । ଜିଡିପିରୁ ନେଇ ମହଙ୍ଗା ଯାଏ ତଥ୍ୟ ରହିଛି । ଆର୍ଥିକ ବର୍ଷ ୨୦୨୫-୨୬ ପାଇଁ ଭାରତର ଜିଡିପି ଅଭିବୃଦ୍ଧି ୬.୩ % ମଧ୍ୟରେ ରହିବ ବୋଲି ଆଶା କରାଯାଉଛି । ଆସନ୍ତା ବର୍ଷ ଜିଡିପି ଅଭିବୃଦ୍ଧି ହାର କମିପାରେ । ରବି ଉତ୍ପାଦନ ଖାଦ୍ୟ ମୂଲ୍ୟକୁ ନିୟନ୍ତ୍ରଣ କରିବାର ସମ୍ଭାବନା ରହିଛି ।

As per the first advance estimates of national accounts, India’s real GDP is estimated to grow by 6.4 per cent in FY25. We expect that the growth in FY26 would be between 6.3 and 6.8 per cent, states the Economic Survey 2024-25.

Good Rabi production is likely to contain food… pic.twitter.com/jZUl6WQ2VC

— ANI (@ANI) January 31, 2025

ଏହା ବି ପଢନ୍ତୁ...'କାଶ୍ମୀରରେ ବିକାଶର ବାତାବରଣ, ବିଶ୍ବବନ୍ଧୁର ଛବି ମଜବୁତ କରିଛି ଭାରତ'

ଫେବୃଆରୀ ୧୩ ତାରିଖ ଯା ଚାଲିବ ବଜେଟ୍ ଅଧିବେଶନ । ଏହା ପରେ ମାର୍ଚ୍ଚ ୧୦ରୁ ଦ୍ବିତୀୟ ପର୍ଯ୍ୟାୟ ଅଧିବେଶନ ଆରମ୍ଭ ହୋଇ ଏପ୍ରିଲ ୪ ଶେଷ ହେବ । ଅଧିବେଶନରେ ୧୬ଟି ବିଲ୍ ଆସିପାରେ । ଆସନ୍ତାକାଲି ଅର୍ଥମନ୍ତ୍ରୀ ନିର୍ମଳା ସୀତାରମଣ ଆର୍ଥିକ ବର୍ଷ ୨୦୨୫-୨୬ର ବଜେଟ୍ ଉପସ୍ଥାପନ କରିବେ ।  କେନ୍ଦ୍ର ରାଜକୋଷର ହିସାବ ଦେବେ ଅର୍ଥମନ୍ତ୍ରୀ । ଏହା ଅର୍ଥମନ୍ତ୍ରୀଙ୍କ ଲାଗାତାର ଅଷ୍ଟମ ବଜେଟ୍ ହେବ । କେମିତ ରହିବ ବଜେଟ୍ କେଉଁ ସେକ୍ଟରକୁ କେତେ ବ୍ୟୟ ବରାଦ ହେବ ତାହା ଉପରେ ସମସ୍ତଙ୍କ ନଜର ରହିଛି । ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପନ ପରେ ଆସନ୍ତାକାଲି ପୂର୍ବାହ୍ନ ୧୧ଟା ଯାଏ ଉଭୟ ଗୃହ ମୁଲତବୀ ରହିଛି ।