ପାଟନା,୩୧/୦୧: ପ୍ରେମ କରିଥିଲେ ହେଲେ ମିଳିଲା ପ୍ରତାରଣା । ଅଧାରାସ୍ତାରେ ହାତ ଛାଡି ଦେଲା ପ୍ରେମିକା । ହୃଦୟ ଭାଙ୍ଗିଥିଲା ହେଲେ ମନୋବଳ ଭାଙ୍ଗିନଥିଲା । ଜିଦ୍ କରିଥିଲେ ୟୁପିଏସସି ପରୀକ୍ଷା ଦେବି ଆଉ ଆଇଏଏସ ହେବି । ଆଉ ତାହା ହିଁ କରି ଦେଖାଇଲେ । ଉଚ୍ଚ ବେତନ ଚାକିଚି ଛାଡିଲେ । ପ୍ରେମରେ ବିଫଳ ହେଲେ ୟୁପିଏସସି ପରୀକ୍ଷା ପାସ୍ କଲେ । ପ୍ରତାରଣା ମଳିବା ପରେ ସଂଘର୍ଷକୁ ସାଥୀ କରି ସଫଳତାର କାହାଣୀ ଲେଖିଛନ୍ତି ବିହାର ପାଟନାର ଆଇଏଏସ ଆଦିତ୍ୟ ପାଣ୍ଡେ । ଆଦିତ୍ୟଙ୍କର ଏହି ୟୁପିଏସସି ଯାତ୍ରା ସମସ୍ତଙ୍କ ପାଇଁ ପ୍ରେରଣା ପାଲିଟିଛି ।
ଆଇଏଏସ ଆଦିତ୍ୟ ପାଣ୍ଡେ ଏବେ ଜଣେ ପ୍ରେରଣାର ନାମ । ବିହାର ପାଟନା ଜିଲ୍ଲା ବିଷ୍ଣୁପୁର ଗାଁରେ ଆଦିତ୍ୟଙ୍କ ଘର । ପିଲାଦିନୁ ଖୁବ ଦୁଷ୍ଟ ଥିଲେ । ହେଲେ କିଏ ଜାଣିଥିଲା ସେ ଜଣେ ଆଇଏଏସ ହେବେ ବୋଲି । ସ୍କୁଲ ପାଠ ସରିବା ପରେ ପଞ୍ଜାବ ଏଲପିୟୁରେ ଇଲେକ୍ଟ୍ରୋନିକ୍ସ କମୁନିକେସନରେ ଡିଗ୍ରୀ ହାସଲ କରିଥିଲେ । ଏହା ପରେ ସେ ଆଇଆଇଟି ରୁରକିରେ ଏମବିଏ କରିଥିଲେ । ଏମବିଏ କରିବା ସମୟରେ ପ୍ରେମରେ ପଡିଥିଲେ ଆଦିତ୍ୟ । ୬ମାସ ପ୍ରେମ ସମ୍ପର୍କ ଠିକଠାକ ଚାଲିଥିଲା । ମାତ୍ର ପରବର୍ତ୍ତୀ ସମୟରେ ଆଦିତ୍ୟଙ୍କ ହାତ ଛାଡି ଦେଇଥିଲେ ପ୍ରେମିକା । ଏହି ସମୟରେ ମନରେ ଠାଣି ନେଇଥିଲେ ଆଦିତ୍ୟ ୟୁପିଏସସି ପରୀକ୍ଷା ଦେବି ଆଇଏଏସ ହେବି । ଜିଦରେ ଅଟଳ ରହିଥିଲେ ଆଦିତ୍ୟ । ଆଉ ଆରମ୍ଭ ହୋଇଥିବା ୟୁପିଏସସି ପ୍ରସ୍ତୁତି ।
ଏହା ବି ପଢନ୍ତୁ...କିଏ ଏହି ଭବ୍ୟା ମିତ୍ତଲ ? ଯାହାଙ୍କ ନାଁ ଶୁଣିଲେ ଥରନ୍ତି ସରକାରୀ କର୍ମଚାରୀ
ଏମବିଏ ପରେ ଆଇଆଇସି ବ୍ୟାଙ୍କରେ ଚାକିରି କରିଥିଲେ । ଭଲ ଦରମା ମଧ୍ୟ ପାଉଥିଲେ । ହେଲେ ୨୦୨୦ରେ ତାଙ୍କ ଜୀବନ ନୂଆ ମୋଡ ନେଇଥିଲା । ଚାକିରି ଛାଡି ୟୁପିଏସସି ପ୍ରସ୍ତୁତି କରିଥିଲେ ଆଦିତ୍ୟ । ୩ଥର ପରୀକ୍ଷା ଦେଇଥିଲେ । ମାତ୍ର ବିଫଳ ହୋଇଥିଲେ ହେଲେ ହାରି ନଥିଲେ । ୨୦୨୧ରେ ମାତ୍ର ୨.୫ ମାର୍କ ପାଇଁ ସ୍ବପ୍ନ ପୂରଣ ହୋଇପାରିନଥିଲା । ୨୦୨୨ରେ ପୁଣି ପରୀକ୍ଷା ଦେଇଥିଲେ । ଆଉ ୪୮ତମ ରାଙ୍କ ହାସଲ କରିଥିଲେ । ପ୍ରେମରେ ପ୍ରତାରଣା ମିଳିବା ପରେ ନିଜକୁ ଜଣେ ଆଇଏଏସ ଅଧିକାରୀ କରିବାର ଜିଦ୍ ତାଙ୍କୁ ସଫଳତା ହୋଇଥିଲା । ଆଦିତ୍ୟଙ୍କର ଏହି ଯାତ୍ରା ସମସ୍ତଙ୍କୁ ପ୍ରେରଣା ଦେବ ନିଶ୍ଚିନ୍ତ ।
