ନୂଆଦିଲ୍ଲୀ,୦୪/୦୨: ଡ଼ୋନାଲ୍ଡ ଟ୍ରମ୍ପ ରାଷ୍ଟ୍ରପତି ହେବା ପରେ ପ୍ରଥମ ଥର ପାଇଁ ଆମରିକା ଗସ୍ତରେ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆସନ୍ତା ୧୨ ତାରିଖରେ ଆମେରିକା ଦୁଇ ଦିନିଆ ଗସ୍ତରେ ଯବେ ମୋଦି । ତେବେ ଏହି ଦୁଇ ଦିନିଆ ଗସ୍ତରେ ସେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ବିଭିନ୍ନ ପ୍ରସଙ୍ଗ ଉପରେ କରିବେ ଆଲୋଚନା।
ରିପୋର୍ଟ ମୁତାବକ, ପିଏମ ମୋଦି ତାଙ୍କର ଦୁଇ ଦିନିଆ ପ୍ୟାରିସ ଗସ୍ତ ଶେଷ କରିବା ପରେ ୱାଶିଂଟନ୍ ଡିସି ଗସ୍ତ କରିବେ। ସୂତ୍ରରୁ ଜଣାପଡିଛି ଯେ, ଫେବୃଆରୀ ୧୨ ସନ୍ଧ୍ୟାରେ ପ୍ରଧାନମନ୍ତ୍ରୀ ଆମେରିକାର ରାଜଧାନୀରେ ପହଞ୍ଚିବେ ଏବଂ ପରଦିନ ତାଙ୍କ ସହ ଟ୍ରମ୍ପଙ୍କ ମଧ୍ୟରେ ଆଲୋଚନା ହେବାର ଆଶଙ୍କା ରହିଛି।୧୩ ଓ ୧୪ ତାରିଖ ସେ ଆମେରିକାରେ ରହିବା ନେଇ ସୂଚନା ମିଳିଛି । ଏହି ସମୟରେ ଟ୍ରମ୍ପ ନିଜେ ପିଏମ ମୋଦୀଙ୍କ ପାଇଁ ରାତ୍ରୀ ଭୋଜନ ଆୟୋଜନ କରିପାରିବେ। ଏହା ପରେ ହେବାକୁ ଥିବା ବୈଠକରେ ଆମେରିକା ଏବଂ ଭାରତ ମଧ୍ୟରେ ପ୍ରତିରକ୍ଷା ଚୁକ୍ତି ଏବଂ ଆଞ୍ଚଳିକ ସହଯୋଗ ପ୍ରସଙ୍ଗରେ ଆଲୋଚନା ହେବ। ଇଣ୍ଡୋ-ପ୍ରଶାନ୍ତ ମହାସାଗରୀୟ ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇପାରେ। ଟ୍ରମ୍ପ ପ୍ରଶାସନ USAIDକୁ ବନ୍ଦ କରିବା ପାଇଁ ସଙ୍କେତ ଦେଇଛି। ଯଦି ଟ୍ରମ୍ପ ପ୍ରଶାସନ ଏହା କରେ, ତେବେ ଭାରତ ଉପରେ ଏହାର ପ୍ରଭାବ ବହୁତ କମ୍ ପଡ଼ିବ। ଏହି ପ୍ରସଙ୍ଗରେ ଦୁଇ ଦେଶ ମଧ୍ୟରେ ଆଲୋଚନା ମଧ୍ୟ ହୋଇପାରେ।
ପ୍ରଧାନମନ୍ତ୍ରୀ ମୋଦୀ ଫେବୃଆରୀ ୧୪ ପର୍ଯ୍ୟନ୍ତ ୱାଶିଂଟନରେ ରହିବେ । ତେଣୁ ଆଶା କରାଯାଉଛି ଯେ ସେ ଆମେରିକୀୟ କର୍ପୋରେଟ୍ ନେତା ଏବଂ ସମ୍ପ୍ରଦାୟ ସହିତ ମଧ୍ୟ ସାକ୍ଷାତ କରିବେ। କାନାଡା, ମେକ୍ସିକୋ ଏବଂ ଚୀନ୍ ଉପରେ ଶୁଳ୍କ ଲାଗୁ ହେବା ପରିପ୍ରେକ୍ଷୀରେ, ଭାରତ-ଆମେରିକା ବାଣିଜ୍ୟ ଉପରେ ଆଲୋଚନା ଏବେ ଜରୁରୀ ହୋଇଯାଇଛି । ତେଣୁ ଦୁଇ ରାଷ୍ଟ୍ରମୁଖ୍ୟ ମଧ୍ୟ ଶୁଳ୍କ ବିଷୟରେ ଆଲୋଚନା କରିପାରିବେ। ଏସବୁ ବ୍ୟତୀତ, ଅବୈଧ ପ୍ରବାସ ପ୍ରସଙ୍ଗରେ ମଧ୍ୟ ଦୁଇ ଦେଶ ମଧ୍ୟରେ ବିସ୍ତୃତ ଆଲୋଚନା ହୋଇପାରେ ଏବଂ ଉଭୟ ଏହି ସମସ୍ୟାର ଏକ ଦୃଢ଼ ସମାଧାନ ଖୋଜିବାକୁ ଚେଷ୍ଟା କରିପାରିବେ।
