ନୂଆଦିଲ୍ଲୀ,୦୫/୦୭: ମହଙ୍ଗା ହେବ ମଦ । ୫୦ ପ୍ରତିଶତ ବଢିବ କୋଲ୍ଡ ଡ୍ରିଙ୍କ୍ସ ଦାମ୍ । ଆଇସିଏମ୍ଆର-ଏମଆଇଏନ ନେତୃତ୍ୱରେ ଏକ ରାଷ୍ଟ୍ରୀୟ ସମୂହ ଅତ୍ୟଧିକ ଚିନି ଓ ଲୁଣ ଥିବା ଖାଦ୍ୟ ପଦାର୍ଥ ଉପରେ ସ୍ୱାସ୍ଥ୍ୟ କର ଲଗାଇବାକୁ ଦାବି କରିଛି । ବିଶ୍ୱ ସ୍ବାସ୍ଥ୍ୟ ସଂଗଠନ (ହୁ) ବିଶ୍ୱର ସବୁ ଦେଶରେ ତମ୍ବାକୁ, ମଦ ଓ ମିଠା ପାନୀୟ ପଦାର୍ଥ ଉପରେ କର ବଢାଇ ଏହାକୁ ୫୦ ପ୍ରତିଶତ ବଢାଇବାକୁ ଆଗ୍ରାହ୍ୟ କରିଛି । ନିକଟରେ ସ୍ପେନରେ ଆୟୋଜିତ ୟୁଏନ୍ ଫାଇନାନ୍ସ ଫର୍ ଡ଼େବଲପମେଣ୍ଟ ସମ୍ମିଳନୀରେ ଏହି ସୁପାରିଶ୍ ହୋଇଥିଲା । ଏହାର ଉଦ୍ଦେଶ୍ୟ କେବଳ ଗମ୍ଭୀର ରୋଗକୁ ରୋକିବା । ସ୍ୱାସ୍ଥ୍ୟ ପ୍ରଣାଳୀ ପାଇଁ ଆର୍ଥିକ ସ୍ଥିତିକୁ ମଜବୁତ କରିବା ।
ବିଶ୍ୱ ସ୍ୱାସ୍ଥ୍ୟ ସଂଗଠନ ମୁତାବିକ,ଏହି ପଦକ୍ଷେପ ମଧୁମେହ, ମୋଟାପଣ ଓ କ୍ୟାନ୍ସର ପରି ରୋଗକୁ ନିୟନ୍ତ୍ରଣ କରିବାରେ ସାହାଯ୍ୟ କରିବ । ସଂଗଠନ ଏହାକୁ ଥ୍ରୀ ବାଏ ୩୫ ରଣନୈତିକ ଯୋଜନାର ଅଂଶ ବୋଲି କହିଛି । ଏହାର ଲକ୍ଷ୍ୟ ହେଉଛି ୨୦୨୫ ଯାଏ ଏକ ଟ୍ରିଲିୟନ ଡଲାରର ରାଜସ୍ୱ ସ୍ୱାସ୍ଥ୍ୟ ଟ୍ୟାକ୍ସ ଏକାଠୀ କରିବା । 'ହୁ' ର ଏହି ନୀତିକୁ ଉଦ୍ୟୋଗ ସଂଗଠନ ବିରୋଧ କରିଥିଲେ । ଏହି ନୀତି ଆଧାରରେ କୌଣସି ଉତ୍ପାଦର ଦର ଆଜି ଏକ ମଧ୍ୟ ଆୟ ଦେଶରେ ୪ ଡାଲର ଅଛି । ୨୦୩୫ ସୁଦ୍ଧା ୧୦ ଡଲାର ହୋଇପାରେ । ଯେଉଁଥିରେ ଦାରଦାମ ବୃଦ୍ଧି ସାମିଲ ଅଛି । କୋଲୋମ୍ବିଆ ଓ ଦକ୍ଷିଣ ଆଫ୍ରିକା ପରି ଦେଶରେ ଏମିତି ଟ୍ୟାକ୍ସ ଲଗାଇବା ପରେ ଉପଭୋକ୍ତାଙ୍କ ସ୍ୱାସ୍ଥ୍ୟରେ ସୁଧାର ଆସିଥିବା ଦେଖିବାକୁ ମିଳିଛି ।
ଭାରତର ପଦକ୍ଷେପ- ଏହି ବୈଶ୍ୱିକ ପଦକ୍ଷେପ ପୂର୍ବରୁ ଗତ ଏପ୍ରିଲରେ ଭାରତରେ ଏମିତି ପଦକ୍ଷେପ ଉଠାଇବା କଥା ସାମ୍ନାକୁ ଆସିଥିଲା । ଇଣ୍ଡିଆନ୍ କାଉନସିଲ ଅଫ ମେଡିକାଲ ରିସର୍ଜ-ନ୍ୟାସନାଲ ଇନଷ୍ଟିଚ୍ୟୁଟ ଅଫ ନ୍ୟୁଟ୍ରିସନ୍ ନେତୃତ୍ୱରେ ଚିନି ଓ ଲୁଣ ଅଧିକ ଥିବା ଖାଦ୍ୟ ପଦାର୍ଥରେ ସ୍ୱାସ୍ଥ୍ୟ କର ଲଗାଇବାକୁ ଦାବି କରିଥିଲା । ସ୍କୁଲ କ୍ୟାଣ୍ଟିନ ଓ ଶିକ୍ଷା ଅନୁଷ୍ଠାନ ଉପରେ ପ୍ରତିବନ୍ଧକ ଲଗାଯିବାକୁ ପରାମର୍ଶ ଦିଆଯାଇଥିଲା ।
