ଭୁବନେଶ୍ବର,୨୫/୩ : ପୋଷା କୁକୁରକୁ ଫେରି ପାଇବା ଲାଗି ଆବେଦନ କରି ହାଇକୋର୍ଟଙ୍କ ଦ୍ୱାରସ୍ଥ ହୋଇଥିବା ଆବେଦନକାରୀଙ୍କୁ ଆଜି ଜରିମନା ଭରିବାକୁ ନିର୍ଦ୍ଦେଶ ହୋଇଛି । ଏଭଳି ଆବେଦନ ହାଇକୋର୍ଟରେ କରିବାର ଆବଶ୍ୟକତା ନ ଥିଲା, ବରଂ ଏହାଦ୍ୱାରା ଅଦାଲତି ସମୟ ନଷ୍ଟ ହୋଇଛି ବୋଲି ହାଇକୋର୍ଟ ତାଙ୍କ ନିର୍ଦ୍ଦେଶନାମାରେ ଉଲ୍ଲେଖ କରିଛନ୍ତି । ୨୦୨୩ମସିହାରେ କଟକ ମହିଳା ଥାନାରେ ଏକ ଯୌତୁକ ନିର୍ଯାତନା ମାମଲା ରୁଜୁ ହୋଇଥିଲା । ଏତଲା ଆଧାରରେ ପୋଲିସ ଯୌତୁକ ସାମଗ୍ରୀ ଆଦି ଜବତ କରିଥିଲା, ତେବେ ଏତଲାକାରୀ ବୋହୁ ଯିବା ସମୟରେ ଶାଶୁ ଘର ପୋଷା କୁକୁରକୁ ସାଙ୍ଗରେ ନେଇଯାଇଥିଲା।
ନିଜ ପୋଷା କୁକୁରକୁ ଫେରି ପାଇବା ଲାଗି ଆବେଦନକାରୀ ଟିଳୋତ୍ତମା ପଢିହାରୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ତେବେ ଏହା ସମ୍ପୂର୍ଣ୍ଣ ରୂପେ ପୋଲିସର କାମ, ଅଯଥାରେ ହାଇକୋର୍ଟଙ୍କ ସମୟ ସାରିଥିବାରୁ ପିଟିସନରଙ୍କ ଉପରେ ଖୁବ ବିରକ୍ତି ପ୍ରକାଶ କରିଛନ୍ତି ହାଇକୋର୍ଟ ଏବଂ ତୁରନ୍ତ ମାମଲା ପ୍ରତ୍ୟାହାର କରିବା ସହ ୧ ହଜାର ଟଙ୍କାର ଜରିମନା ଭରିବା ଲାଗି ଆଜି ନିର୍ଦ୍ଦେଶ ହୋଇଛି ।
