ନୂଆଦିଲ୍ଲୀ: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ନିର୍ବାଚନ ଆୟୋଗ । ତାଙ୍କୁ ପାଞ୍ଚ ବର୍ଷ ପାଇଁ ଅଯୋଗ୍ୟ ଘୋଷିତ କରିଛନ୍ତି ଆୟୋଗ । ଏହି ପରିପ୍ରେକ୍ଷୀରେ ପାକିସ୍ତାନର ନିର୍ବାଚନ ଆୟୋଗ ଏକ ବିଜ୍ଞପ୍ତି ଜାରି କରିଛନ୍ତି । ୫ ଅଗଷ୍ଟ ୨୦୨୩ର ଅଦଲତାଙ୍କ ଏକ ନିଷ୍ପତ୍ତିକୁ ଦୃଷ୍ଟିରେ ରଖି ନିର୍ବାଚନ ଆୟୋଗ ଇମ୍ରାମ ଖାନଙ୍କ ଉପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।

ପାକିସ୍ତାନ ନିର୍ବାଚନ ଅଧିନିୟମ, ୨୦୧୭ର ଧାରା ୧୬୭ ଅନୁଯାୟୀ ଇମ୍ରାନ ଖାନ ଦୁର୍ନୀତିଗ୍ରସ୍ତ ଦୋଷୀ ସାବ୍ୟସ୍ତ ହୋଇଥିଲେ ଏବଂ ତାଙ୍କୁ ତିନି ବର୍ଷ ସାଧାରଣ କାରାଦଣ୍ଡରେ ଦଣ୍ଡିତ କରାଯାଇଥିଲା । ତାଙ୍କ ଉପରେ ଏକ ଲକ୍ଷ ଟଙ୍କା ଜରିମାନା ମଧ୍ୟ ଲାଗୁ କରାଯାଇଥିଲା ।

ନିର୍ବାଚନ ଆୟୋଗର ବିଜ୍ଞପ୍ତି ଅନୁଯାୟୀ ଇମ୍ରାନ ଖାନଙ୍କୁ ପାକିସ୍ତାନର ସମ୍ବିଧାନର ଧାରା ୬୩ (୧) (ଏଚ) ସହିତ ନିର୍ବାଚନ ଅଧିନିୟମ ୨୦୧୭ର ଧାରା ୨୩୨ ଅନୁଯାୟୀ ଅଯୋଗ୍ୟ କରାଯାଇଛି ।

​