ମାଲକାନଗିରି, ୩୦।୬(ଆପ୍ର ): ମାଲକାନଗିରି ଜୟପୁର ୩୨୬ନମ୍ବର ଜାତୀୟ ରାଜପଥ ଜିଲ୍ଲା ସଦର ମହକୁମା ଜୟପୁରିୟାଗୁଡା ଛକ ଠାରେ  ଏକ କ୍ରେନ ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ସ୍ଥାନୀୟ ଲୋକେ ନ୍ୟାୟ ଓ କ୍ଷତି ପୂରଣ ଦାବିରେ ରାସ୍ତା ରୋକ କରିଛନ୍ତି । ମୃତ ବ୍ୟକ୍ତି ଜଣଙ୍କ ଜୟପୁରୀୟାଗୁଡା ସାହିର  ରାମସିଂ ଖରା ।

 ମାଲକାନଗିରି ଜିଲ୍ଲା ସଦରର ଜୟପୁରିଆଗୁଡା ଦେଇ ଯାଇଥିବା ମାଲକାନଗିରି ଜୟପୁର ଜାତୀୟ ରାଜପଥରେ ଆଜି ସନ୍ଧ୍ୟାରେ ଏକ କ୍ରେନ ମାଲକାନଗିରି ଅଭିମୁଖେ ଆସୁଥିବା  ବେଳେ ରାସ୍ତାରେ ଯାଉଥିବା ଜଣେ ବ୍ୟକ୍ତିଙ୍କୁ ଧକ୍କା ଦେଇଥିଲା । ଫଳରେ ଉକ୍ତ ବ୍ୟକ୍ତିଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା।  କ୍ରେନ ଚାଳକ ଜଣଙ୍କ କ୍ରେନ ଛାଡି ସେଠାରୁ ଖସି ପଳାଇ ଥିଲା । ମୃତ ବ୍ୟକ୍ତି ଜନ ଙ୍କ ଜୟପୁରୀୟାଗୁଡା ସାହିର  ରାମସିଂ ଖରା ବୋଲି ଜଣା ପଡିବା ବେଳେ ତାଙ୍କ ମୃତ୍ୟୁକୁ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି । 

ଏହି ଘଟଣା କୁ ନେଇ ସ୍ଥାନୀୟ ଲୋକେ ଜୟପୁର ମାଲକାନଗିରି ମୁଖ୍ୟ ରାସ୍ତା ଉପରେ ମର ଶରୀର ରଖି ସନ୍ଧ୍ୟା ଠାରୁ ରାତ୍ର ପର୍ଯ୍ୟନ୍ତ ରାସ୍ତା ରୋକ କରିଥିଲେ। ନ୍ୟାୟ ଦାବିରେ ଲୋକେ ଅଡି ବସିଥିବା ବେଳେ ମାଲକାନଗିରି ଆଇଆଇସି ରିଗନ କିଣ୍ଡୋ ପୋଲିସ ସଦଳ ବଳ ଓ ପ୍ରଶାନିକ ଅଧିକାରୀ ପହଞ୍ଚି ଲୋକଙ୍କୁ ବୁଝା ସୁଝା କରିବା ପରେ ରାତ୍ର ୯ଟା  ପରେ ଆନ୍ଦୋଳନ ପ୍ରତ୍ୟା ହର କରିଥିଲେ। ପରେ ପୁଲିସ ମୃତ ଶରୀର ଜବତ କରି ବ୍ୟବଛେଦ ପାଇଁ ମାଲକାନଗିରି ହସ୍ପିଟାଲ କୁ ପଠାଇ ତଦନ୍ତ ଆରମ୍ଭ କରିଛନ୍ତି। ଫେରାର ଥିବା କ୍ରେନ ଡ୍ରାଭର କୁ ଥାନାରେ ଅଟକ ରଖି ପୁଲିସ ପଚରା ଉଚରା ଚଲାଇଛି।