ମାଲକାନଗିରି, ୧।୭(ଆପ୍ର ): ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ସୁକୁମା ଜିଲ୍ଲା ଟେକେଲଗୁଡା ଠାରେ ପୁଲିସ ପକ୍ଷରୁ ସର୍ଚ୍ଚ ଅପରେସନ ଚାଲିଥିବା ବେଳେ ୯ ଜଣ ନକ୍ସଲଙ୍କୁ କାବୁ କରିବାରେ ସଫଳ ହୋଇଛି ପୁଲିସ।ଟେକାଲଗୁଡା ନକ୍ସଲ ବିସ୍ଫୋରଣ ପରେ ଜାଗରଗୁଣ୍ଡା ଅଞ୍ଚଳରେ ପୁଲିସ ତରଫରୁ ତଲାସି ଜାରି ରହିଥିଲା। ଆଜି ପୁଲିସ ଭିନ୍ନ ଭିନ୍ନ ଅଞ୍ଚଳରୁ ୯ ଜଣ ନକ୍ସଲଙ୍କୁ ଗିରଫ କରିଛି।ଗିରଫ ହୋଇଥିବା ୯ ଜଣ ନକ୍ସଲଙ୍କ ମଧ୍ୟରୁ ୪ ଜଣ ନକ୍ସଲ ଜୁନ୍ ୨୩ ତାରିଖରେ ଘଟିଥିବା ଟେକାଲଗୁଡା ନକ୍ସଲ ବିସ୍ଫୋରଣରେ ସମ୍ପୃକ୍ତ ଥିଲେ।

 ସୂଚନାଯୋଗ୍ୟ ଯେ ଗତ ମାସ ୨୩ ତାରିଖରେ ନକ୍ସଲମାନେ ଲ୍ୟାଣ୍ଡ ମାଇନ ବିସ୍ଫୋରଣ କରିଥିଲେ। ଯେଉଁଥିରେ ଦୁଇ ଯବାନ ସହୀଦ ହୋଇଥିଲେ। ତେବେ ଜିଲ୍ଲା ପୁଲିସର ଡିଆରଜି, ସିଆରପିଏଫ ଏବଂ କୋବ୍ରା ବାଟାଲିୟନର ମିଳିତ ସର୍ଚ୍ଚ ଅପରେସନରେ ୯ ନକ୍ସଲଙ୍କୁ ଗିରଫ କରିବାରେ ସଫଳତା ମିଳିଛି।ଏସପି କିରଣ ଚାଭାନ ଏହି ଗିରଫ ଘଟଣା ସମ୍ପର୍କ ରେ ସୂଚନା ଦେଇନ୍ତି।