ଭୁବନେଶ୍ବର,୨୬।୪ : କଟକ ସାଲେପୁର ରାସ୍ତାର ନାଳିଆମୁହଁ ଛକ ନିକଟରେ ଶନିବାର ଅପରାହ୍ନରେ ଦୁଇଟି କାର ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ମା’ ଓ ପୁଅ ଗୁରୁତର ଆହତ ହୋଇଥିବା ଜଣାପଡିଛି। ମୃତକଙ୍କ ପରିଚୟ ମିଳି ନାହିଁ। ଗୁରୁତର ମା’ ଓ ପୁଅ ହେଲେ କେନ୍ଦ୍ରାପଡ଼ା ଜିଲ୍ଲା ନରଣପୁର ଅଂଚଳର ସରସ୍ଵତୀ ସେଠୀ ( ୭୦) ଓ ଶ୍ରୀକାନ୍ତ ସେଠୀ ( ୫୧) ।
କେନ୍ଦ୍ରାପଡ଼ା ଜିଲ୍ଲା ନରଣପୁର ଅଂଚଳର ସରସ୍ଵତୀ ସେଠୀ ( ୭୦) ଏବଂ ତାଙ୍କ ପୁଅ ଶ୍ରୀକାନ୍ତ ସେଠୀ ( ୫୧) କେନ୍ଦ୍ରାପଡ଼ାରୁ କଟକ ଅଭିମୁଖେ ଯାଉଥିଲେ। ଏହି ସମୟରେ ବିପରୀତ ଦିଗରୁ ଆସୁଥିବା ଅନ୍ୟ ଏକ କାର ସହ ମୁହାଁମୁହିଁ ଧକ୍କା ହୋଇଥିଲା। ଦୁର୍ଘଟଣାରେ ଗୁରୁତର ତିନି ଜଣଙ୍କୁ ପୋଲିସ ଉଦ୍ଧାର କରି ସାଲେପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା । ସେଠାରେ ଡ଼ାକ୍ତର ଜଣଙ୍କୁ ମୃତ୍ୟୁ ଘୋଷଣା କରିଥିବା ବେଳେ ଗୁରୁତର ସରସ୍ବତୀ ଓ ପୁଅ ଶ୍ରୀକାନ୍ତଙ୍କୁ କଟକ ବଡ଼ଡ଼ାକ୍ତରଖାନାକୁ ସ୍ଥାନାନ୍ତର କରିଛି। ପୋଲିସ ଦୁର୍ଘଟଣାଗ୍ରସ୍ତ ଉଭୟ କାରକୁ ଜବତ କରି ତଦନ୍ତ ଚଳାଇଛି।
