ମୁମ୍ବାଇ,୨୬/୪ : ପ୍ରସିଦ୍ଧ ସଂଗୀତ ନିର୍ଦ୍ଦେଶକ ଏଆର ରହମାନ ପୁଣି ଥରେ ଚର୍ଚ୍ଚାରେ ଆସିଛନ୍ତି । ଦିଲ୍ଲୀ ହାଇକୋର୍ଟ ଟ୍ୟୁନ୍ କପି ଅଭିଯୋଗରେ ତାଙ୍କୁ ଏବଂ ଫିଲ୍ମ ପ୍ରଡକ୍ସନ କମ୍ପାନୀ ମଦ୍ରାସ ଟକିଜ ଉପରେ ଦୁଇ କୋଟି ଟଙ୍କାର ଜରିମାନା ଲଗାଇଛନ୍ତି । ମାମଲା ଐଶ୍ବର୍ଯ୍ୟା ରାୟ ବଚ୍ଚନଙ୍କ ଫିଲ୍ମ ‘ ପୋନ୍ନିୟନ ସେଲବନ ୨’ର ଗୀତ ‘ବୀରା ରାଜା ବୀରା’ସହ ଯୋଡ଼ି ହୋଇଛି । କୋର୍ଟ ରହମାନଙ୍କୁ ଏହି ମାମାଲରେ ନୋଟିସ ପଠାଇଛନ୍ତି ।
ପଦ୍ମଶ୍ରୀ ଉସ୍ତାଦ ଫ୍ୟାୟାଜୁଦ୍ଦିନ ବସୀଫୁଦ୍ଦିନ ଡାଗର ଦିଲ୍ଲୀ ହାଇକୋର୍ଟରେ ମାମଲା ରୁଜୁ କରି ଅଭିଯୋଗ ଲଗାଇଥିଲେ କି ‘ବୀରା ରାଜା ବୀରା’ଗୀତର ଟ୍ୟୁନ ତାଙ୍କ ବାପା ନାସିର ଫ୍ୟାୟାଜୁଦ୍ଦିନ ଡାଗର ଏବଂ ଦାଦା ନାସିର ଜାହିରୁଦ୍ଦିନ ଡାଗରଙ୍କ କମ୍ପୋଜ ‘ଶିବ ସ୍ତୁତି’ରୁ କପି କରାଯାଇଛି । ସେ ଦାବି କରିଛନ୍ତି କି ଗୀତ ଅଲଗା ଅଛି, କିନ୍ତୁ ଏହି ଗୀତର ଲୟ ଏବଂ ବିଟ୍ସ ‘ଶିବ ସ୍ତୁତି’ସହ ସମ୍ପୂର୍ଣ୍ଣ ମିଶୁଛି ଏବଂ ଏହାର ଶ୍ରେୟ ତାଙ୍କ ପରିବାରକୁ ଦିଆଯାଇନାହିଁ ।
କୋର୍ଟ ଶୁଣାଣି ସମୟରେ କହିଛନ୍ତି କି, ‘ଶିବ ସ୍ତୁତି’ର ସମ୍ପୂର୍ଣ୍ଣ ଭାବେ ନକଲ ଅଟେ । ଖାଲି କେତେକ ପରିବର୍ତ୍ତନ କରାଯାଇଛି । ରହମାନ ଏବଂ ନିର୍ମାତା କମ୍ପାନୀ ତାଙ୍କ କାମକୁ କୌଣସି ଶ୍ରେୟ ଦେଇନାହିଁ । କୋର୍ଟ ସ୍ପଷ୍ଟ କରିଛନ୍ତି କି ଡାଗରଙ୍କ କାମକୁ ବିନା ଉଚିତ ଶ୍ରେୟରେ ବ୍ୟବହାର କରିବା କପିରାଇଟ୍ ଉଲ୍ଲଂଘନ ଅଟେ ।
