ନିଶ୍ଚିନ୍ତକୋଇଲି,୨୬।୪ : ଘର ଆଗରେ ଥିବା ପୋଖରୀ ନିକଟରେ ଖେଳୁଥିଲେ ୨ ଶିଶୁ । ହଠାତ ପୋଖରୀରେ ପଡିଯାଇ ପାଣିରେ ବୁଡି ୨ ଶିଶୁଙ୍କ ମୃତ୍ୟୁ ଘଟିଛି। କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଅନ୍ତର୍ଗତ ରାମକୃଷ୍ଣପୁର ଗାଁରେ ଏଭଳି ଘଟଣା ଘଟିଛି। ମୃତ ୨ ଶିଶୁ ହେଲେ ରାମକୃଷ୍ଣପୁର ଗାଁ ର ଦିଲୀପ ସାହୁଙ୍କ ଦୁଇ ବର୍ଷର ଶିଶୁ ପୁତ୍ର କାମେଶ୍ୱର ସାହୁ ଏବଂ ଓସ୍ତପୂର ବାସିନ୍ଦା ବଳରାମ ସାହୁଙ୍କ ଚାରି ବର୍ଷର ଶିଶୁ କନ୍ୟା ଭାଗ୍ୟଲକ୍ଷ୍ମୀ ସାହୁ ।
ବଳରାମଙ୍କ ଝିଅ ଭାଗ୍ୟଲକ୍ଷ୍ମୀ ନିଜ ମଉସା ଘରକୁ ଆସିଥିଲେ। କାମେଶ୍ୱର ସାହୁ ଓ ଭାଗ୍ୟଲକ୍ଷ୍ମୀ ସାହୁ ପୋଖରୀ ନିକଟରେ ଖେଳୁଥିବା ବେଳେ ପାଣିରେ ପଡିଯାଇଥିଲେ। ପରିବାର ଲୋକ ଏହା ଦେଖି ସେମାନଙ୍କୁ ଉଦ୍ଧାର କରି ନିଶ୍ଚିନ୍ତକୋଇଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ। ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ।
