ବାରିପଦା, ୨୩।୦୧ : ପୋଲିସ ହାତରେ ଧରାପଡ଼ିଲା ଠକ ପ୍ରେମିକ। ପ୍ରଥମେ ସାମାଜିକ ଗଣମାଧ୍ୟମ ଜରିଆରେ ପ୍ରେମ ସମ୍ପର୍କ ସୃଷ୍ଟି କରୁଥିଲେ ପରେ ଲକ୍ଷାଧିକ ଟଙ୍କା ଯୁବତୀଙ୍କ ଠାରୁ ନେଇ ଚମ୍ପଟ ମାରୁଥିଲେ। ଏଭଳି ଠକ ପ୍ରେମିକ ଜଣକ ହେଲେ ଯାଜପୁର ଜିଲ୍ଲା ଜେନାପୁର ଥାନା ଅନ୍ତର୍ଗତ ରସୁଲପୁର ପଞ୍ଚାୟତ କବାଟବନ୍ଧ ଗ୍ରାମର ତ୍ରୈଲୋକ୍ୟ ରଞ୍ଜନ ପାତ୍ର।
ଫେସବୁକ, ଇନଷ୍ଟାଗ୍ରାମ ଆଦି ବିଭିନ୍ନ ସାମାଜିକ ଗଣମାଧ୍ୟମରେ ଠକ ପ୍ରେମିକ ଜଣକ ଅନେକ ଝିଅଙ୍କ ସହ ବନ୍ଧୁତା ସୃଷ୍ଟି କରୁଥିଲେ। କିଛି ଦିନ କଥା ହେବା ପରେ ଯୁବତୀଙ୍କୁ ପ୍ରେମ ନିବେଦନ କରୁଥିଲେ। ଯୁବତୀ ମାନଙ୍କୁ ମିଛ ପ୍ରେମ ଜାଲରେ ଫସେଇ ସେମାନଙ୍କର ସରଳତାର ସୁଯୋଗ ନେଇ ଲକ୍ଷାଧିକ ଟଙ୍କା ହଡପ କରୁଥିଲା। କିଛି ବର୍ଷ ହେବ ସେ ଏହି କାମ କରି ଚାଲୁଥିଲା। ଏଭଳି ଭାବେ ବାରିପଦା ସହରର ଜଣେ ଯୁବତୀଙ୍କ ସହ ଏହିପରି କରି ଲକ୍ଷାଧିକ ଟଙ୍କା ହଡ଼ପ କରିଥିବାର ବାରିପଦା ଟାଉନ ଥାନାରେ ଅଭିଯୋଗ ହୋଇଥିଲା। ଯାହାକୁ ନେଇ ଥାନା ଅଧିକାରୀଙ୍କ ନେତୃତ୍ୱରେ ଏକ ତଦନ୍ତ କରି ଟିମ୍ ପୁରୀ ଜିଲ୍ଲାର ବାସେଲିସାହି ଥାନା ଅନ୍ତର୍ଗତ ହାତୀସାହି ଅଞ୍ଚଳରୁ ଏହି ଠକ ପ୍ରେମିକ କୁ ଗିରଫ କରିଥିଲା ପୋଲିସ। ତେବେ ତଦନ୍ତ ସମୟରେ ଶତାଧିକ ମହିଳାଙ୍କ ସହ ପ୍ରେମ କରି ଏଭଳି ଟଙ୍କା ଠକେଇ କରିଥିବା ନେଇ ପୋଲିସ ଜାଣିବାକୁ ପାଇଛି।
