କରଞ୍ଜିଆ,୨୩/୦୧: ଶିମିଳିପାଳ ଅଭୟାରଣ୍ୟରେ ଶିକାରୀ ସକ୍ରିୟ । ପୁଣି ଶିକାରୀଙ୍କୁ ଧରାଇ ଦେଲା ଏଆଇ କ୍ୟାମେରା । ଶିକାର ପାଇଁ ଉଦ୍ୟମ ବେଳେ ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡରୁ ୩ ଶିକାରୀଙ୍କୁ ଧରିଲା ସ୍ବତନ୍ତ୍ର ଏନଫୋର୍ସମେଣ୍ଟ୍ ଟିମ୍ । ସେମାନଙ୍କ ନିକଟରୁ ୨ ଟି ଦେଶୀ ବନ୍ଧୁକ, ଧନୁ ତୀର ଓ ଶିକାର ପାଇଁ ବ୍ୟବହୃତ ଫାସ ଜବତ କରାଯାଇଛି । ୩ ଅଭିଯୁକ୍ତ ଉଦଳା ଥାନା ଅଞ୍ଚଳର ବୋଲି ଜଣା ପଡିଛି । ଏ ନେଇ ସୂଚନା ଦେଇଛନ୍ତି ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡର ଉପ ନିର୍ଦ୍ଦେଶକ ସମ୍ରାଟ୍ ଗୌଡା ।
ସୂଚନା ମୁତାବକ, ୩ ଶିକାରୀ ଶିମିଳିପାଳ ଅଭୟାରଣ୍ୟ ଭିତରକୁ ଶିକାର କରିବା ପାଇଁ ପଶିଥିଲେ । ଏହି ସମୟର କିଛି ଦୃଶ୍ୟ ଏଆଇ କ୍ୟାମେରାରେ କଏଦ ହୋଇଥିଲା । ଯାହା ଶିକାରୀଙ୍କୁ ଧରିବାରେ ସାହାଯ୍ୟ କରିଛି । ଶିକାର ପାଇଁ ଉଦ୍ୟମ କରିବା ବେଳେ ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡରୁ ୩ ଶିକାରୀଙ୍କୁ ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ ଧରିବାରେ ସଫଳ ହୋଇଛି । ସେମାନଙ୍କ ନିକଟରୁ ୨ ଟି ଦେଶୀ ବନ୍ଧୁକ, ଧନୁ, ତୀର ଓ ଶିକାର ପାଇଁ ବ୍ୟବହୃତ ଫାସ ଜବତ କରାଯାଇଛି । ଏ ନେଇ ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡର ଉପ ନିର୍ଦ୍ଦେଶକ ସମ୍ରାଟ୍ ଗୌଡା ସୂଚନା ଦେଇଛନ୍ତି ।
