ଭୁବନେଶ୍ୱର,୦୯/୦୯: ନୂଆଦିଲ୍ଲୀରେ ଥିବା ଓଡ଼ିଶା ଭବନ ବିପଦସଙ୍କୁଳ ସ୍ଥିତିରେ ଅଛି । ଏହାର ଭାଙ୍ଗିବା ଦାୟିତ୍ୱ ରାଜ୍ୟ ପୂର୍ତ୍ତ ବିଭାଗକୁ ଦିଆଯାଇଛି ବୋଲି ରାଜ୍ୟ ଗୃହ ବିଭାଗ ପକ୍ଷରୁ ଜାରି ବିଜ୍ଞପ୍ତିରେ ସୂଚନା ଦିଆଯାଇଛି ।
ମିଳିଥିବା ସୂଚନା ମୁତାବକ, ନୂଆଦିଲ୍ଲୀ ପୌର ପରିଷଦର ମୁଖ୍ୟ ସ୍ଥପତି(ଚିଫ୍ ଆର୍କିଟେକ୍ଟ୍) ଗୃହର ନିରାପତ୍ତା ଅଡିଟ୍ କରିବାକୁ ନିର୍ଦ୍ଦେଶ ଦେଇଥିଲେ । ସେହି ଅନୁସାରେ ପୂର୍ତ୍ତ ବିଭାଗ ଓଡ଼ିଶା ଭବନ, ଓଡ଼ିଶା ନିବାସ ଓ ଓଡ଼ିଶା ସଦନର ଅଡିଟ୍ କରାଇଥିଲେ । ସେଥିମଧ୍ୟରୁ ଓଡ଼ିଶା ଭବନ ବିପଜ୍ଜନକ ଅବସ୍ଥାରେ ବୋଲି ୨୦୨୨ ଏପ୍ରିଲ ୧୯ ତାରିଖରେ ସୂଚନା ଦେଇଥିଲେ ।
ଓଡ଼ିଶା ଭବନ ଦୀର୍ଘ ଦିନ ଧରି ବ୍ୟବହାର କରିବା ଯୋଗ୍ୟ ନୁହଁ ଯାହାକୁ ଆସନ୍ତା ୨/୩ ବର୍ଷ ମଧ୍ୟରେ ଭଙ୍ଗା ଯିବା ଆବଶ୍ୟକ ବୋଲି ଅଡିଟ୍ ରିପୋର୍ଟରେ ଦର୍ଶାଯାଇଥିଲା। ଏହା ମରାମତି ହେବା ଅବସ୍ଥାରେ ନାହିଁ । ପୂର୍ତ୍ତ ବିଭାଗ ଏହାକୁ ବିପଜ୍ଜନକ ବୋଲି ଘୋଷଣା କରିବାକୁ ଗୃହ ବିଭାଗକୁ ଅନୁରୋଧ କରିଥିଲା ଯାହାକୁ ଅଧାର କରି ରାଜ୍ୟ ଗୃହ ବିଭାଗ ପକ୍ଷରୁ ନୂଆଦିଲ୍ଲୀରେ ଥିବା ଓଡ଼ିଶା ଭବନ ଆଉ ରହିବା ଅବସ୍ଥାରେ ନାହିଁ, ବିପଦସଙ୍କୁଳ ସ୍ଥିତିରେ ଅଛି ବୋଲି ଘୋଷଣା କରାଯାଇଛି ।