ଭୁବନେଶ୍ବର : ଜମ୍ମୁକାଶ୍ମୀର ପହଲଗାମ ଆତଙ୍କବାଦୀ ଆକ୍ରମଣରେ ମୃତ୍ୟୁସଂଖ୍ୟା ବୃଦ୍ଧି ପାଇବାରେ ଲାଗିଛି । ବର୍ତ୍ତମାନ ସୁଦ୍ଧା ମିଳିଥିବା ସୂଚନା ଅନୁଯାୟୀ ମୃତ୍ୟୁସଂଖ୍ୟା ୨୭ରେ ପହଞ୍ଚିଛି। ତେବେ ସରକାରୀ ଭାବେ ଏହି ମୃତ୍ୟୁସଂଖ୍ୟାକୁ ନିଶ୍ଚିତ କରାଯାଇନାହିଁ।  ତେବେ ମୃତକଙ୍କ ମଧ୍ୟରେ ଓଡିଶାର ପର୍ଯ୍ୟଟକ ପ୍ରଶାନ୍ତ ଶତପଥିଙ୍କ ମୃତ୍ୟୁ ରହିଛି। ପ୍ରଶାନ୍ତଙ୍କ ଘର ବାଲେଶ୍ବରରେ। ସେ ବାଲେଶ୍ବର CIPETର ଜଣେ କର୍ମଚାରୀ। ଦୁଇଦିନ ତଳେ ସେ ତାଙ୍କ ପତ୍ନୀ ଓ ପୁଅଙ୍କ ସହ କାଶ୍ମୀର ବୁଲିବା ପାଇଁ ଯାଇଥିଲେ।

ଏହି ଆକ୍ରମଣକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନିନ୍ଦା କରିଛନ୍ତି। କହିଛନ୍ତି କି ଏହି ଘଟଣାରେ ମୁଁ ଗଭୀର ଦୁଃଖପ୍ରକାଶ କରୁଛି । ମୃତକଙ୍କ ପରିବାରକୁ ମୋର ସମବେଦନା । ତାଙ୍କ ମୃତ ଦେହ ଓଡିଶା ଆଣିବା ସହ ତାଙ୍କ ପରିବାର ଓଡିଶା ଫେରିବା ନେଇ ଓଡିଶା ସରକାର ସମ୍ପୂର୍ଣ୍ଣ ସାହାଯ୍ୟ କରିବେ । ଏନେଇ ଦିଲ୍ଲୀ ଆବାସିକ କମିଶନରଙ୍କୁ ନିର୍ଦ୍ଦେଶ ଦେଇଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି ।