ନୂଆଦିଲ୍ଲୀ,୦୪/୦୭: ନିଟ୍-ୟୁଜି ପ୍ରଶ୍ନପତ୍ର ଲିକ୍ ମାମଲାରେ ସିବିଆଇ ବୁଧବାର କିଙ୍ଗ୍ପିନ୍ ଅମନ ସିଂଙ୍କୁ ଝାଡ଼ଖଣ୍ଡର ହଜାରିବାଗରୁ ଗିରଫ କରିଛି । ସେ ପେପର ଲିକ୍ ର୍ୟାକେଟର ମୁଖ୍ୟ ବୋଲି ସିବିଆଇ ଅଧିକାରୀଙ୍କ ସୂତ୍ରରୁ ଜଣାପଡ଼ିଛି । ଅମନଙ୍କୁ ମିଶାଇ ମାମଲାରେ ମୋଟ ୭ ଜଣଙ୍କୁ ଗିରଫ କରାଗଲାଣି ।
ରବିବାର ସିବିଆଇ ଗୁଜରାଟର ଗୋଧ୍ରାରୁ ଏକ ଘରୋଇ ସ୍କୁଲର ମାଲିକ ଦିକ୍ଷିତ ପଟେଲଙ୍କୁ ଗିରଫ କରିଥିଲା । ସେ ପରୀକ୍ଷାର୍ଥୀଙ୍କଠାରୁ ୫ରୁ ୧୦ ଲକ୍ଷ ଟଙ୍କା ନେଇ ପରୀକ୍ଷାରେ ସେମାନଙ୍କ ନମ୍ବର ବଢ଼ାଇବା ଲାଗି ପ୍ରତିଶ୍ରୁତି ଦେଇଥିଲେ ବୋଲି ଅଭିଯୋଗ ହୋଇଛି । ନିଟ୍ରେ ଅନିୟମିତତା ଘଟଣାରେ ଜୁନ୍ ୨୩ରେ ସିବିଆଇ ଅପରାଧିକ ମାମଲା ରୁଜୁ କରିଥିଲା ।