ନୂଆଦିଲ୍ଲୀ, ୬/୭ : ବ୍ରିଟେନ ସାଧାରଣ ନିର୍ବାଚନରେ ଲେବର ପାର୍ଟିକୁ ମିଳିଛି ବହୁମତ । ଶୁକ୍ରବାର କୀର ଷ୍ଟାର୍ମର ଦେଶର ନୂଆ ପ୍ରଧାନମନ୍ତ୍ରୀ ରୂପରେ ଶପଥ ନେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଫୋନ୍ କରି ତାଙ୍କୁ ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି । ପିଏମ ମୋଦୀ ଏକ୍ସରେ ପୋଷ୍ଟ କରି ଏହି ସୂଚନା ଦେଇଛନ୍ତି । ସେ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି କି, ‘ଆମେ ଭାରତ ଏବଂ ବ୍ରିଟେନ ମଧ୍ୟରେ ରଣନୀତି ବୁଝାମଣା ଏବଂ ଆର୍ଥିକ ସମ୍ବନ୍ଧକୁ ମଜବୁତ କରିବାକୁ ପ୍ରତିବଦ୍ଧ ଅଟୁ ’ ।
ପ୍ରଧାନମନ୍ତ୍ରୀ ମୋଦୀ ୟୁକେର ନୂଆ ପିଏମ୍ ଷ୍ଟାର୍ମରଙ୍କୁ ଖୁବଶୀଘ୍ର ଭାରତ ଆସିବାକୁ ନିମନ୍ତ୍ରଣ ବି ଦେଇଛନ୍ତି । ଏହି ସମୟରେ ପିଏମ୍ ମୋଦୀ ବ୍ରିଟେନର ସାମାଜିକ, ଆର୍ଥିକ ଏବଂ ରାଜନୈତିକ ବିକାଶରେ ଭାରତୀୟ ସମୁଦାୟର ଲୋକଙ୍କ ଯୋଗଦାନର ପ୍ରଶଂସା କରିଛନ୍ତି ।
ନିର୍ବାଚନରେ ଭାରତୀୟ ବଂଶୋଦ୍ଭବର ପ୍ରଥମ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକଙ୍କ କନଜରଭେଟିବ ପାର୍ଟିକୁ ପରାଜୟର ସାମ୍ନା କରିବାକୁ ପଡ଼ିଛି । ଋଷି ସୁନକ ନିଜ ପରାଜୟ ସ୍ବୀକାର କରି ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । କୀର ଷ୍ଟାର୍ମରଙ୍କ ଲେବର ପାର୍ଟି ୬୫୦ସଦସ୍ୟ ହାଉସ ଅଫ କମନ୍ସରେ ୪୧୨ସିଟ ହାସଲ କରିଛନ୍ତି । ଏହି ସଂଖ୍ୟା ୨୦୧୯ରେ ପୂର୍ବ ନିର୍ବାଚନରେ ପ୍ରାପ୍ତ ସିଟରୁ ୨୧୧ଅଧିକ ଅଟେ । ସୁନକଙ୍କ କନଜରାଭଟିବ ପାର୍ଟି ୧୨୧ସିଟରେ ବିଜୟ ହାସଲ କରିଛି ଯାହା ପୂର୍ବ ନିର୍ବାଚନରେ ପ୍ରାପ୍ତ ସିଟରୁ ୨୫୦କମ୍ ରହିଛି ।
Pleased to speak with @Keir_Starmer. Congratulated him on being elected as the Prime Minister of the UK. We remain committed to deepening Comprehensive Strategic Partnership and robust 🇮🇳-🇬🇧 economic ties for the progress and prosperity of our peoples and global good.
— Narendra Modi (@narendramodi) July 6, 2024
