ଚେନ୍ନାଇ,୬।୭: ବହୁଜନ ସମାଜ ପାର୍ଟିର ତାମିଲନାଡୁ ୟୁନିଟର ଅଧ୍ୟକ୍ଷ କେ ଆମଷ୍ଟ୍ରଙ୍ଗଙ୍କ ହତ୍ୟା ମାମଳାରେ ୮ ସନ୍ଦିଗ୍ଧ ଧରାପଡିଛନ୍ତି। ପୋଲିସର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି। ଅତିରିକ୍ତ ପୋଲିସ କମିଶନର(ୟୁପି) ଅସରା ଗର୍ଗ କହିଛନ୍ତି, ପୋଲିସ ଏହି ମାମଲାର ସମାଧାନ ପାଇଁ ୧୦ଟି ଟିମ୍ ଗଠନ କରିଛି। ମସେ କହିଛନ୍ତି, ଆମେ ଏପର୍ଯ୍ୟନ୍ତ ୮ ଜଣଙ୍କୁ ଧରିଛୁ। ଏହା ପ୍ରାରମ୍ଭିକ ତଦନ୍ତ। କିଛି ସମୟ ପରେ ଅଧିକ ତଥ୍ୟ ଓ ଘଟଣାର ପରିସ୍ଥିତି ଜଣାପଡିବା ପରେ ଆହୁରି ସ୍ପଷ୍ଟ ଚିତ୍ର ସାମନାକୁ ଆସିବ।’ ସେ କହିଛନ୍ତି, ଏହି ହତ୍ୟା ପଛରେ ୨-୩ ଜଣ ସନ୍ଦିଗ୍ଧ ରହିଛନ୍ତି। ତାଙ୍କ ପଚରା ଉଚରା ପରେ ଜଣାପଡିବ କେଉଁ କାରଣରୁ ଏହି ଘଟଣା ଘଟିଛି।
ଏହା ଭିତରେ ଆମଷ୍ଟ୍ରଙ୍ଗଙ୍କ ହତ୍ୟାକୁ ନେଇ ବିଏସ୍ପି କର୍ମୀ ଚେନ୍ନାଇରେ ଜୋରଦାର ବିରୋଧ ପ୍ରଦର୍ଶନ କରିଛନ୍ତି। ଚେନ୍ନାଇ ପୁନମଲ୍ଲି ହାଇ ରୋଡ୍ରେ ଟ୍ରାଫିକ୍ ଜାମ୍ ହୋଇଯାଇଛି, ଯେଉଁଠି ବିଏସ୍ପି ସମର୍ଥକ ରାଜୀବ ଗାନ୍ଧୀ ସରକାରୀ ହସ୍ପିଟାଲ ବାହାରେ ସଡକରେ ଯିବା ଆସିବା ବନ୍ଦ ରହିଛି। ଏହି ହସ୍ପିଟାଲରେ ପାର୍ଟିର ଷ୍ଟେଟ୍ ୟୁନିଟ୍ର ଚିଫ୍ ଆମଷ୍ଟ୍ରଙ୍ଗଙ୍କ ପୋଷ୍ଟମର୍ଟକ କରାଯାଇଥିଲା। ରିପୋର୍ଟ ଅନୁସାରେ, ପ୍ରଦର୍ଶନକାରୀଙ୍କ କହିବା ଅନୁସାରେ, ତାଙ୍କୁ ତାମିଲନାଡୁ ସରକାରଙ୍କ ଉପରେ ଭରସା ନାହିଁ। ସେ ଏହି ମାମଲାର ସିବିଆଇ ଯାଞ୍ଚ କରିବାକୁ ଦାବି କରିଛନ୍ତି।