ଭୁବନେଶ୍ବର,୩୦।୧୨ :  ଚଳିତ ମାସରେ ଦୁଇ ଦୁଇ ଥର ଲଗାଣ ବର୍ଷାରେ କ୍ଷତିଗ୍ରସ୍ତ ହୋଇଥିବା ଚାଷୀଙ୍କୁ ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ଭେଟିବା ସହ   କ୍ଷେତ ପରିଦର୍ଶନ କରିଛନ୍ତି l  ଚାଷୀର ପ୍ରଭୂତ କ୍ଷତି ହୋଇଥିବା ହୃଦବୋଧ କରି ନବୀନ ସିଧାସଳଖ ଚାଷୀଙ୍କୁ ମିଶି ତାଙ୍କ ଗୁହାରି ଶୁଣିବା ସହ କଣ ଆବଶ୍ୟକତା ରହିଛି ଚାଷୀଙ୍କ ଠାରୁ ସେ ସମ୍ପର୍କରେ ବୁଝିଥିଲେ l 

ଦିନିକିଆ ଗଞ୍ଜାମ ଗ୍ରସ୍ତରେ ତାଙ୍କ ନିର୍ବାଚନ ମଣ୍ଡଳୀ ଶେରଗଡ଼ ମହାତ୍ମା ଗାନ୍ଧି ମିନିଷ୍ଟାଡିୟମ  ଅସ୍ଥାୟୀ ହେଲିପ୍ୟାଡରେ ଅବତରଣ କରି ସରିବା ପରେ  ରୋଡ ଯୋଗେ ପ୍ରଥମେ ତାକରଡା , ବୁରୁପଡ଼ା, ପୋଡ଼ିଙ୍ଗ ଦେଇ ସମସ୍ତ ଚାଷୀଙ୍କୁ ଭେଟିବା ପରେ ପୋଡ଼ିଙ୍ଗ ଠାରେ ଚାଷୀ ମାନଙ୍କ କ୍ଷୟ କ୍ଷତି ବିଷୟରେ ଆଲୋଚନା କରିଥିଲେ l ସେଠାରୁ ଆସିକା ବ୍ଲକରେ ପହଞ୍ଚି ବରଗାଁ ପଞ୍ଚାୟତର ଚାଷୀ ମାନଙ୍କ ସହ ସିଧା ସଳଖ ଆଲୋଚନା କରିବା ପରେ ସେଠୁ କବିସୂର୍ଯ୍ୟନଗର ବ୍ଲକ୍ ଯାଇ କବିସୂରଯ୍ୟନଗର ବିଜ୍ଞାପିତ ଅଞ୍ଚଳ ପରିଷଦରର ଏସ ନୂଆଁଗାଁ ସ୍ଥିତ ଆମ୍ବଶିଖା ପୁର ପଡିଆ ରେ ଚାଷୀ ମାନଙ୍କ ସହ ଭେଟି ଆଲୋଚନା କରିଥିଲେ l ନବୀନଙ୍କ ଏହି ଗ୍ରସ୍ତ ବେଳେ ପୂର୍ବତନ ବିଧାୟକ, ପୂର୍ବତନ ସାଂସଦ, ଜିଲ୍ଲାସ୍ତରୀୟ ଦଳୀୟ ନେତା ଓ କର୍ମୀ ମାନେ ଉପସ୍ଥିତ ଥିଲେ।