ବଣାଇ, ୨।୧ : ବଣାଇ ଉପଖଣ୍ଡ ଲହୁଣିପଡ଼ା ଥାନା ଅନ୍ତର୍ଗତ ରାଜ୍ୟ ରାଜପଥର କଳେଇପୋଷ ନିକଟରେ ଏକ କାର ଗଛରେ ବାଡ଼େଇ ହୋଇଯିବାରୁ ଜଣେ ଯୁବକ ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଯୁବକ ଗୁରୁତର ହୋଇଛନ୍ତି। ମୃତ କାର ଚାଳକ ଜଣକ ହେଲେ ଲହୁଣିପଡ଼ା ବ୍ଲକ ଅନ୍ତର୍ଗତ ସରଦାପୁର ଗ୍ରାମର କିରଣ ମାହାନ୍ତ।
ଏକ କାର ( ନଂ ଓଡି ୩୩ ଜେଡ ୮୫୧୧ ) କଳେଇପୋଷ ପଟୁ ବାହାଡାପୋଷ ଆଡକୁ ଯାଉଥିବା ବେଳେ ଭାରସାମ୍ୟ ହରାଇ ରାସ୍ତା କଡରେ ଥିବା ଗଛରେ ବାଡ଼େଇ ହୋଇ ରାସ୍ତା ତଳକୁ ଖସି ଯାଇଥିଲା। ଯାହା ଫଳରେ କାର ଚାଳକ କିରଣ ମାହାନ୍ତ ଘଟଣା ସ୍ଥଳରେ ମୃତ୍ୟୁ କରିଥିବା ବେଳେ ଅନ୍ୟ ଜଣେ ଯୁବକ ଦେବାଶିଷ ମାହାନ୍ତ ଗୁରୁତର ହୋଇଥିଲେ। ପଥଚାରୀ ମାନେ ଦେଖି ପୋଲିସକୁ ଖବର ଦେଇଥିଲେ ।ଖବର ପାଇ ଲହୁଣିପଡ଼ା ପୋଲିସ ସହିତ ଦମକଳବାହିନୀ କର୍ମଚାରୀ ପହଞ୍ଚି କାର ଭିତରୁ ଚାଳକକୁ ଉଦ୍ଧାର କରି ଥିଲେ। ଚାଳକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତରଙ୍କୁ ଚିକିତ୍ସାନିମନ୍ତେ ଲହୁଣୀପଡ଼ା ଡାକ୍ତରଖାନା କୁ ପଠାଯାଇଛି।
