ମୁନିଗୁଡ଼ା,୦୪/୦୧: ଅମ୍ବାଦଳା ନିକଟ ରେଳ ଧାରଣାରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରିଛି ରେଳବାଇ ପୋଲିସ । ମୃତକ ଝାରଖଣ୍ଡର ଦୟାନନ୍ଦ ଶର୍ମା ଏବଂ ସେ ଦୀର୍ଘ ବର୍ଷ ହେବ ଅମ୍ବାଦଳାରେ ରହି ଆଲୁମିନିୟମ କାମ କରୁଥିଲେ । ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ରାୟଗଡ଼ା ଜିଲ୍ଲା ମୁନିଗୁଡ଼ା ଅଞ୍ଚଳର ଅମ୍ବାଦଳା ନିକଟ ରେଳ ଧାରଣାରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଶନିବାର ସକାଳୁ ଦୟାନନ୍ଦ ଶର୍ମାଙ୍କ ବାଇକ୍ ରାସ୍ତା ପାର୍ଶ୍ୱରେ ଥିବାବେଳେ ନିକଟରେ ଥିବା ରେଳ ଧାରଣାରେ ତାଙ୍କ ମୃତଦେହ ପଡିଥିବା ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ରେଳବାଇ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ବ୍ୟକ୍ତିଙ୍କ ମୃତଦେହ ଜବତ କରି ଘଟଣାର ତଦନ୍ତ ଚଳାଇଛି । ତେବେ ପାରିପାର୍ଶ୍ୱିକ ସ୍ଥିତିରୁ ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।
