ମୁନିଗୁଡ଼ା,୨୮/୧୨: ମୁନିଗୁଡା ସହରର ବନଦୁର୍ଗା ମନ୍ଦିର ନିକଟରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଠାବ ହୋଇଛି । ମୃତ ବ୍ୟକ୍ତିଙ୍କ ପରିଚୟ ଅସ୍ପଷ୍ଟ ଥିବା ବେଳେ ମୃତ୍ୟୁର କାରଣ ମଧ୍ୟ ଜଣା ପଡ଼ିନାହିଁ । ରାୟଗଡା ଜିଲ୍ଲା ମୁନିଗୁଡା ସହରରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ମୁନିଗୁଡା ସହରର ବନଦୁର୍ଗା ମନ୍ଦିର ନିକଟରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଦେଖିବାକୁ ପାଇଥିଲେ ସ୍ଥାନୀୟଲୋକେ । ସକାଳୁ ସକାଳୁ ବ୍ୟକ୍ତିଙ୍କ ମୃତଦେହ ଦେଖି ତୁରନ୍ତ ମୁନିଗୁଡା ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ବ୍ୟକ୍ତିଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ବ୍ୟକ୍ତିଙ୍କ ପରିଚୟ ଖୋଜି ଘଟଣାର ତଦନ୍ତ କରୁଛି ମୁନିଗୁଡ଼ା ପୋଲିସ ।
