ଟିକିରି -ଲଘୁଚାପ ଜନିତ ବର୍ଷା ପ୍ରଭାବରେ ଗତକାଲି ଠାରୁ ବର୍ଷା ଲାଗି ରହିଥିବା ବେଳେ , ଆଜି ଏକ ବିଦ୍ୟୁତ ଖୁଣ୍ଟରେ ବିଦ୍ୟୁତ ସଂସ୍ପର୍ଶରେ ଆସି ୨ଟି ଗୋରୁର ମୃତ୍ୟୁ ହୋଇଛି। ଏମିତି ଏକ ଅଭାବନୀୟ ଘଟଣା ରାୟଗଡ଼ା ଜିଲ୍ଲା କାଶିପୁର ବ୍ଲକ ଟିକିରି ଥାନା ଅନ୍ତର୍ଗତ ଜାମୁଗୁଡା ଗାଁରେ ଘଟିଛି।
ଡମ୍ୱୁରୁଧର ସାହୁଙ୍କର ୨ଟି ଗାଈର ମୃତ୍ୟୁ ହୋଇଛି। ଆଜି ଅପରାହ୍ନ ୧୨ଘଣ୍ଟା ସମୟରେ ଘର ଠାରୁ ଅଳ୍ପ ଦୂରରେ ଥିବା ୧୧କେଭି ବିଦ୍ୟୁତ ଖୁଣ୍ଟରେ ବିଦ୍ୟୁତ୍ ସରବରାହ ହୋଇଥିଲା। ଏହି ସମୟରେ ଗୋଟିଏ ଗାଈର ସେଥିରେ ଲାଗି ମୃତ୍ୟୁ ହୋଇ ଥିବା ବେଳେ , ବିଦ୍ୟୁତ୍ ବିଭାଗକୁ ଫୋନ କରି ଗାଈଟିକୁ ବାହାର କରି ପୋତି ଦେଇ ଥିଲେ। ପୁଣିଥରେ ଅପରାହ୍ନ ୪ଘଣ୍ଟାରେ ଡମ୍ବୁରୁଧର ସାହୁଙ୍କ ପୁଣି ଏକ ବଳଦ ସେହି ଯାଗାରେ ହିଁ ଖୁଣ୍ଟରେ ଲାଗି ମୃତ୍ୟୁ ହୋଇଥିଲା।
ଖବର ପାଇ ଗାଈ ମାଲିକ ଆସି କ୍ଷତି ପୂରଣ ଦାବି କରି ଟିକିରି ଥାନାରେ ଏକ ଏତଲା ଦେଇଥିଲେ। ବ୍ୟବଛେଦ ପାଇଁ ପଶୁ ଡାକ୍ତରଙ୍କୁ ଜଣାଇବା ସହ ବିଦ୍ୟୁତ ବିଭାଗର ଖାମଖିଆଲିକୁ ଦାୟୀ କରିଛନ୍ତି।
