ନୂଆଦିଲ୍ଲୀ ୨୦/୦୧: ମାଘମାସ ଅମମାବାସ୍ୟ ତିଥିରେ ପାଳନ ହୁଏ ପବିତ୍ର ମୌନୀ ଅମାବାସ୍ୟା । ଏଥର ଇଂରାଜୀ କାଲେଣ୍ଡର ଅନୁଯାୟୀ ଜାନୁୟାରୀ ୨୯ ତାରିଖରେ ପାଳନ ହେବାକୁ ଯାଉଛି ମୌନୀ ଅମାବାସ୍ୟା । ଏହାର ଅନ୍ୟନାମ ‘ମାଘି ଅମାବାସ୍ୟା’ ମଧ୍ୟ କୁହାଯାଏ । ଏହି ଅମାବାସ୍ୟା ତିଥିରେ ଗଙ୍ଗାସ୍ନାନ ମହାପୁଣ୍ୟଦାୟୀ । ମହାକୁମ୍ଭ ଅବସରରେ ପ୍ରୟାଗରାଜରେ ତ୍ରିବେଣୀ ସଙ୍ଗମରେ ମୌନୀ ଅମାବାସ୍ୟାରେ ‘ସାହୀ ସ୍ନାନ’ ହୋଇଥାଏ । ଅର୍ଥାତ୍ ବିଭିନ୍ନ ଆଖଡ଼ାର ସାଧୁସନ୍ଥମାନେ ସଙ୍ଗମରେ ବୁଡ଼ ପକାଇଥାନ୍ତି ।
ମୌନୀ ଅମାବାସ୍ୟା ବ୍ରତ ପାଳନ କରୁଥିବା ବ୍ୟକ୍ତିମାନେ ସେହି ଦିନ ମୌନ ବ୍ରତ ଧାରଣ କରିବାର ବିଧି ରହିଛି । ସମ୍ପୂର୍ଣ୍ଣ କଥା ନକହି ଅଥବା ଅଯଥା ତଥା କୁବାକ୍ୟ କହିବାରୁ ବିରତ ରହିବା ସହିତ ଚିତ୍ତ ଚଞ୍ଚଳତାରୁ ମୁକ୍ତ ହୋଇ ଦିବ୍ୟସତ୍ତା ପ୍ରତି ଉନ୍ମୁକ୍ତ ହେବାର ପ୍ରୟାସ କରିବା ମୌନୀ ଅମାବାସ୍ୟା ବ୍ରତର ମୁଖ୍ୟ ଲକ୍ଷ୍ୟ । ମୌନୀ ଅମାବାସ୍ୟା ଦିନ ପିତୃପୁରୁଷଙ୍କ ଉଦ୍ଦେଶ୍ୟରେ ତର୍ପଣ କରାଯାଇଥାଏ । ଏଥିସହିତ କଳାତିଳ ଦାନ କରାଯାଇଥାଏ । ବସ୍ତ୍ର ଦାନ,ବ୍ରାହ୍ମଣ ଭୋଜନ କରାଇବାର ବିଧି ମଧ୍ୟ ରହିଛି ।
