କଣ୍ଟାବାଞ୍ଜି,୧୫/୫ : ବିବାହିତ ମହିଳାଙ୍କୁ ପ୍ରେମ କରିବା ପଡ଼ିଲା ମହଙ୍ଗା । ବିଦ୍ୟୁତ ଖୁଣ୍ଟରେ ବନ୍ଧା ହେଲେ ୨ ଯୁବକ। ଏହିଭଲି ଘଟଣା ଦେଖିବାକୁ ମିଳିଛି କଣ୍ଟାବାଞ୍ଜି ଥାନା ଅନ୍ତର୍ଗତ କୁର୍ଲି ଗାଁରେ। ଗାଁର ଜଣେ ଯୁବତୀ ଅନ୍ୟ ଗାଁରେ ବିବାହ କରିଛନ୍ତି। ସେ ତାଙ୍କ ବାପ ଘରକୁ ଆସିଥିବା ସମୟରେ ପାଟଣାଗଡ ଅଞ୍ଚଳର ଟିକେ ରାମ ଯୁଏଡ ନାମକ ଯୁବକ ଜଣକ ବିବାହିତ ମହିଳାଙ୍କୁ ପ୍ରେମ କରିଥିବା ନେଇ ଭେଟିବାକୁ ଆସିଥିଲେ।
ଏହି ସମୟରେ ବିବାହିତ ମହିଳାଙ୍କ ସ୍ବାମୀ ଉକ୍ତ ଯୁବକ ଟିକେ ରାମଙ୍କୁ ଧରି ବିଦ୍ୟୁତ ଖୁଣ୍ଟରେ ଦୌଡ଼ିରେ ବାନ୍ଧି ପକାଇଥିଲେ । ଯୁବକଙ୍କ ସହ ଆସିଥିବା ସହଯୋଗୀ ମିଶ୍ର ଯୁଏଡଙ୍କୁ ମଧ୍ଯ ବିଦ୍ୟୁତ ଖୁଣ୍ଟରେ ବାଧିଛନ୍ତି । ଘଟଣାସ୍ଥଳରେ କଣ୍ଟାବାଞ୍ଜି ପୋଲିସ ପହଞ୍ଚି ଦୁଇ ଜଣ ଯୁବକଙ୍କୁ ଉଦ୍ଧାର କରିଥିବା ଜଣାପଡ଼ିଛି । ଅନ୍ୟପଟେ ପୋଲିସ ଏହାକୁ ଗୁରୁତ୍ବ ଦେଇ ଦୁଇ ପରିବାର ବର୍ଗଙ୍କୁ ଡାକି ପଚରାଉଚରା ମଧ୍ୟ କରିଛି । ନିଜ ରକ୍ତ ସମ୍ପର୍କୀୟ ଥିବା ମଧ୍ୟ ଜଣାପଡ଼ିଛି । ପ୍ରକୃତରେ ନିଜ ମାମୁଁ ପୁଅ ହେଉଛନ୍ତି ଟିକେରାମ ତେଣୁ ପୋଲିସ ମଧ୍ୟ ଦୁଇ ପକ୍ଷ ପରିବାର କଥା ଶୁଣି କୌଣସି ମାମଲା ରୁଜୁ କରି ନ ଥିବା କହିଛନ୍ତି ଥାନା ଅଧିକାରୀ ରଶ୍ମିତା ବେହେରା ।
