ଖପ୍ରାଖୋଲ,୧୫/୫ : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ତେଲେନପାଲି ପଞ୍ଚାୟତରେ ବଜ୍ରାଘାତ ହେବା ଫଳରେ ୩ ବଳଦର ମୃତ୍ୟୁ ହୋଇଥିବା ଜଣାପଡିଛି । ମୃତ ବଳଦ ମୁଖିଆରୁ ମାଝି ଓ ମତୁଆଲ ବିଶିଙ୍କ ବୋଲି ସୂଚନା ମିଳିଛି।
ପ୍ରକାଶ ଯେ, ଗୁରୁବାର ଅପରାହ୍ନ ସମୟରେ ଘଡ଼ ଘଡି ସହ ପ୍ରବଳ ବର୍ଷା ହୋଇଥିଲା । ତେଣୁ ମୁଖିଆରୁଙ୍କ ଦୁଇ ଗୋଟି ବଳଦ ଓ ମତୁଆଲଙ୍କ ଗୋଟିଏ ବଳଦ ଆମ୍ବ ତୋଟା ତଳେ ଆଶ୍ରୟ ନେଇଥିଲେ । ଆଶ୍ରୟ ନେବା ସମୟରେ ବଜ୍ରାଘାତ ହେବାରୁ ତିନି ଗୋଟି ବଳଦ ଘଟଣାସ୍ଥଳରେ ମୃତ୍ୟୁ ହୋଇପଡ଼ିଥିଲେ । ଆଗକୁ ଚାଷ କାର୍ଯ୍ୟ ଥିବାରୁ ଚାଷୀଙ୍କ ବଳଦ ମୃତ ହେବା ପରେ ଚାଷ କାର୍ଯ୍ୟ କିପରି କରିବେ ବୋଲି ଉଭୟ ଚାଷୀ ଦୁଃଖରେ ଭାଙ୍ଗି ପଡିଛନ୍ତି।
