କାମାକ୍ଷାନଗର,୧୫।୫: କାମାକ୍ଷାନଗର ଥାନା ଜନ୍ତାରିବୋଲ ଗାଁରେ ଘଟିଛି ଅଭାବନୀୟ ଘଟଣା l ଅଫୁଟାବାଣ ସହ ଖେଳୁଥିବା ବେଳେ ବାଣ ବିସ୍ପୋରଣ ହୋଇ ୪ ଶିଶୁ ଗୁରୁତର ହୋଇଛନ୍ତି l ସେମାନେ କାମାକ୍ଷାନଗର ମେଡିକାଲରେ ଭର୍ତ୍ତି ହୋଇଥିବା ବେଳେ ସେମାନଙ୍କ ହାତ, ଗୋଡ଼ ଓ ଛାତିରେ ଗଭୀର ଆଘାତ ଲାଗିଛି l 

ସୂଚନା ମୁତାବକ ଜନ୍ତାରିବୋଲ ଗାଁରେ ଗୁରୁବାର ସଂଧ୍ୟା ସମୟରେ କିଛି ପିଲା ଗାଁ ଦାଣ୍ଡରେ ଖେଳୁଥିବା ବେଳେ କିଛି ଅଫୁଟାବାଣ ପଡିଥିବାର ଦେଖିଥିଲେ l ପରେ ସେମାନେ ସେହି ଅଫୁଟାବାଣ ସହ ଖେଳୁଥିବା ବେଳେ ହଠାତ ବାଣ ବିସ୍ପୋରଣ ହୋଇଥିଲା l ଫଳରେ ନିକଟରେ ଖେଳୁଥିବା ୪ ଜଣ ପିଲା ଗୁରୁତର ହୋଇଛନ୍ତି l ଚାରି ଗୁରୁତର ପିଲା ହେଲେ ରାଜ ପଧାନ, ଚନ୍ଦନ ନାୟକ, ଛୋଟୁ ନାୟକ, ଶିବା ପଧାନ l ସମସ୍ତଙ୍କ ବୟସ ୭ ରୁ ୮ ବର୍ଷ ହୋଇଥିବା ବେଳେ ବାଣ ବିସ୍ପୋରଣରେ ସମସ୍ତେ ଗୁରୁତର ହୋଇ କାମାକ୍ଷାନଗର ମେଡିକାଲ ରେ ଭର୍ତ୍ତି ହୋଇଛନ୍ତି l ପିଲା ମାନଙ୍କ ହାତ, ଗୋଡ଼ ଓ ଛାତିରେ ଗଭୀର ଆଘାତ ଲାଗିଥିଲା ବେଳେ ମେଡିକାଲରେ ସେମାନଙ୍କ ଚିକିତ୍ସା ଜାରି ରହିଛି l