କଳାହାଣ୍ଡି,୧୧/୧୦: ଆଜି କଳାହାଣ୍ଡିର ଆରାଧ୍ୟା ଦେବୀ ମା' ମାଣିକେଶ୍ବରୀଙ୍କ ଛତର ଯାତ୍ରା । ଭବାନୀପାଟଣା ଠାରେ ଲକ୍ଷାଧିକ ଭକ୍ତଙ୍କ ସମାଗମ ।  ଅଷ୍ଟମୀ ମଧ୍ୟ ରାତ୍ରିରୁ ଗୁପ୍ତ ସନ୍ଧି ପୂଜା ପରେ ନବମୀ ପ୍ରାତଃରୁ ଭବାନୀପାଟଣା ସହରର ଜେନାଖାଲ ଠାରୁ ମା'ଙ୍କ ଛତର ରାଜପ୍ରସାଦ ସ୍ଥିତ ମାଣିକେଶ୍ବରୀ ମନ୍ଦିରକୁ ପ୍ରତ୍ୟାବର୍ତନ ଆରମ୍ଭ କରିଛି । ପରମ୍ପରା ଅନୁଯାୟୀ ମାନସିକଧାରୀ ଭକ୍ତ ମାନେ ମା'ଙ୍କ ଛତର ଜେନାଖାଲରୁ ବାହାରିବା ପରେ ରାସ୍ତାର ଦୁଇ ପାର୍ଶ୍ୱରେ ପଶୁ ବଳି ପାଳନ କରୁଛନ୍ତି । ପଶୁ ଓ ପକ୍ଷୀର ରକ୍ତରେ ଭବାନୀପାଟଣା ରାସ୍ତା ରକ୍ତରଂଜିତ ହେଉଛି । 

ମା'ଙ୍କ ଛତର ଯାତ୍ରାରେ ଛତରଯାତ୍ରାରେ ବଜା ଏବଂ ଘଣ୍ଟରେ ଦୁଲୁକୁଛି ସାରା ସହର ଏବଂ ଲକ୍ଷାଧିକ ଭକ୍ତଙ୍କ ସମାଗମ ଯୋଗୁଁ ଆଇନ ଶୃଙ୍ଖଲା ଏବଂ ଟ୍ରାଫିକ ନିୟନ୍ତ୍ରଣ ଦୃଷ୍ଟିରେ କଳାହାଣ୍ଡି ଏସପିଙ୍କ ନେତୃତ୍ବରେ ଜଣେ ଅତିରିକ୍ତ ଏସ୍‌ପି, ୯ଜଣ ଡିଏସ୍‌ପି, ୧୮ ଜଣ ଇନ୍ସପେକ୍ଟର, ୩୬ ଜଣ ସବ୍ ଇନ୍ସପେକ୍ଟର, ୪୮ଜଣ ଏଏସଆଇ ଓ ୧୫ ପ୍ଲାଟୁନ ପୁଲିସ ଫୋର୍ସ ସହ ୧୦୦ ହୋମଗା ମୁତୟନ କରାଯାଇଛି l