ମ,ରାମପୁର , ୯/୧୦(ଆ ପ୍ର): କଳାହାଣ୍ଡି ଜିଲ୍ଲା ବେଲୁର ଗାଁ  ପାଇଁ ମାନସ ମାଝୀ ଆଣିଛନ୍ତି ଗର୍ବ ଓ ଗୌରବ । ଜାତୀୟ କ୍ରୀଡା ପ୍ରତିଯୋଗିତାରେ ମାନସଙ୍କୁ ରୌପ୍ୟ ପଦକ ମିଳିଥିବା ଜଣା ପଡ଼ିଛି । ଜାତୀୟ କ୍ରୀଡା ପ୍ରତିଯୋଗିତା ( ଇଷ୍ଟ ଜୋନ) ଭୁବନେଶ୍ୱର କଳିଙ୍ଗ ଷ୍ଟାଡିୟମ ରେ ମଙ୍ଗଳବାର ଓ  ବୁଧବାର କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏଥିରେ  ଲମ୍ବ ଡିଆଁ, ଷାଠିଏ ମିଟର ଓ ଛଅ ଶହ ମିଟର ଦୌଡ, ହଡଳସ, ସର୍ଟ ଫୁଟ୍ ରେ ଭାଗ ନେଇ ସେ  ଦ୍ୱିତୀୟ ସ୍ଥାନ ହାସଲ କରି ସେ  ରୌପ୍ୟ ପଦକ ପାଇଛନ୍ତି । ଏହି ପ୍ରତିଯୋଗୀତାରେ  ଓଡ଼ିଶା, ଆସାମ, ବିହାର, ଝାଡଖଣ୍ଡ, ପଶ୍ଚିମ ବଙ୍ଗ, ସିକିମ,  ରାଜ୍ୟର ପ୍ରତିଯୋଗିତାମାନେ  ଅଂଶଗ୍ରହଣ କରିଥିଲେ । 

କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ଗୋଛା ଡେଙ୍ଗେନ୍ ପଞ୍ଚାୟତର ବେଲୁର ଗ୍ରାମର ପତି ରାମ ମାଝୀ ଓ ମମତା ମାଝୀ ଙ୍କ ପୁତ୍ର ହେଉଛନ୍ତି ମାନସ ରଞ୍ଜନ ମାଝୀ । l ସେ ସମ୍ପ୍ରତି କୋରାପୁଟ ସ୍ପୋର୍ଟସ ହଷ୍ଟେଲ ରେ ରହି ଦଶମ ଶ୍ରେଣୀ ରେ ଅଧ୍ୟୟନ କରୁଛନ୍ତି । ସେ ପିଲାଟି ଦିନରୁ କ୍ରୀଡା ପ୍ରତିଯୋଗିତାରେ ଅଂଶ ଗ୍ରହଣ କରି ରାଜ୍ୟସ୍ତରୀୟ ସଫଳତା ହାସଲ କରି ଆସିଛନ୍ତି । ତାଙ୍କରି ଏହି ସଫଳତା ପାଇଁ ବିଭିନ୍ନ ମହଲରୁ ଶୁଭେଚ୍ଛା ର ସୁଅ ଛୁଟିଛି ।