ମନମୁଣ୍ଡା,୨୬/୬ : ମନମୁଣ୍ଡା ଥାନା ଶଗଡ଼ା ଫାଣ୍ଡି ଅନ୍ତର୍ଗତ ତିର୍ଚିପଡ଼ା ଅଞ୍ଚଳରେ ଗଞ୍ଜେଇ ଚୋରା କାରବାର ଚାଲିଥିବାବେଳେ ପୁଲିସ ବିଶ୍ଵସ୍ତ ସୂତ୍ରରୁ ଜାଣିବାକୁ ପାଇଥିଲା। ବୌଦ୍ଧ ଜିଲ୍ଲାକୁ ଗଞ୍ଜେଇ ମୁକ୍ତ ଅଭିଯାନ ଚଳାଉଥିବା ପୁଲିସ ଏହାକୁ ଗୁରୁତର ସହ ନେଇଥିଲା । ଆଇଆଇସି ଅଞ୍ଜଳି ବିଶ୍ଵାଳଙ୍କ ନିର୍ଦ୍ଦେଶ କ୍ରମେ ଏକ ପୁଲିସ ଟିମ୍ ଆଜି ସକାଳେ ଉକ୍ତ ଅଞ୍ଚଳରେ ଚଢଉ କରିଥିଲା।
ଏକ ନିଛାଟିଆ ଜାଗାରେ ୩ଟି ବସ୍ତା ଦେଖିବାକୁ ପାଇ ପୁଲିସ ଯାଞ୍ଚ କରିବାରୁ ସେଥିରେ ଗଞ୍ଜେଇ ଥିବା ଦେଖିବାକୁ ପାଇଥିଲା। ପୁଲିସ ଆସିବା ଦେଖି ମାଫିଆମାନେ ଫେରାର ହୋଇଯାଇଥିଲେ। ଗଞ୍ଜେଇ ଓଜନ କରିବାରୁ ତାହା ୧୨୯କେଜି ହୋଇଥିଲା। ଏ ନେଇ ଥାନାରେ କେଶ ନଂ ୧୯୯/୨୫ରେ ଏକ ମାମଲା ରୁଜୁ କରାଯାଇ ପୁଲିସ ଏହାର ତଦନ୍ତ ଚଳାଇଛି।
