ନୂଆଦିଲ୍ଲୀ,୧୦/୧୨: ଇଣ୍ଡିଆ ବ୍ଲକ ଦୁଇ ଫାଳ ହୋଇଛି । କିଏ ସମ୍ଭାଳିବ ଇଣ୍ଡି ମେଣ୍ଟର କମାଣ ତାକୁ ନେଇ ଟଣାଓଟରା ଚାଲିଛି । କିଏ ନେବ ନେତୃତ୍ବ ତାକୁ ନେଇ ବିରୋଧୀଙ୍କ ମଧ୍ୟରେ ମତଭେଦ ଦେଖିବାକୁ ମିଳିଛି । ଏହାରି ଭିତରେ ଲାଲୁ ଯାଦବଙ୍କ ବୟାନ ପରେ କଂଗ୍ରେସକୁ ବଡ ଝଟକା ଲାଗିଛି । ମମତା ବାନାର୍ଜୀଙ୍କୁ ଇଣ୍ଡିଆ ମେଣ୍ଟର ନେତା କରିବାକୁ କହିଛନ୍ତି ଆରଜେଡି ସୁପ୍ରିମୋ ଲାଲୁ ପ୍ରାସଦ ଯାଦବ ।
ବିଧାନସଭା ନିର୍ବାଚନରେ ବିରୋଧୀଙ୍କ ପରାଜୟ ପରେ ଇଣ୍ଡି ମେଣ୍ଟରେ ଫାଟ ସୃଷ୍ଟି ହୋଇଛି । ଇଣ୍ଡି ବ୍ଲକକୁ ନୂଆ ନେତୃତ୍ବ ମିଳୁ ବୋଲି ଆଲୋଚନା ହେଉଛି । ଇଣ୍ଡି ମେଣ୍ଟ ଦାୟିତ୍ବ କଂଗ୍ରେସଠୁ ଆଣି ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀଙ୍କୁ ଦେବା ପାଇଁ ଦାବି ଜୋର ଧରିଛି । ଏହାକୁ ନେଇ ଆରଜେଡି ସୁପ୍ରିମୋ ଲାଲୁ ପ୍ରାସଦ ଯାଦବ କହିଛନ୍ତି କଂଗ୍ରେସ କରୁଥିବା ବିରୋଧରେ କୌଣସି ଅର୍ଥ ନାହିଁ। ମମତା ବାନାର୍ଜୀଙ୍କୁ ଇଣ୍ଡିଆ ମେଣ୍ଟର ନେତା କରାଯାଉ ବୋଲି କହିଛନ୍ତି ଲାଲୁ ପ୍ରାସଦ ଯାଦବ । ଏହା ସହି ବିହାରରେ ହେବାକୁ ଥିବା ଆଗମୀ ନିର୍ବାଚନରେ ତାଙ୍କ ଦଳ ସତ୍ତା ହାତେଇବ ବୋଲି କହିଛନ୍ତି ।
ଏହା ପୂର୍ବରୁ ବିହାର ପୂର୍ବ ଉପମୁଖ୍ୟମନ୍ତ୍ରୀ ଏବଂ ଆରଜେଡି ନେତା ତେଜସ୍ବୀ ଯାଦବ କହିଥିଲେ, ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀ କିମ୍ବା ଇଣ୍ଡିଆ ବ୍ଲକର କେହି ବି ମେଣ୍ଟର ନେତୃତ୍ବ ନେଲେ ଆମର କିଛି ଅସୁବିଧା ନାହିଁ । କିଛି ଦିନ ତଳେ ହରିୟାଣା ଓ ମହରାଷ୍ଟ୍ର ବିଧାନସଭା ନିର୍ବାଚନରେ ଇଣ୍ଡିଆ ବ୍ଲକରେ ଖରାପ ପ୍ରଦର୍ଶନକୁ ନେଇ ଅସନ୍ତୋଷ ବ୍ୟକ୍ତ କରିଥିଲେ ମମତା ବାନାର୍ଜୀ । ସୁଯୋଗ ମିଳିଲେ ଇଣ୍ଡିଆ ମେଣ୍ଟର ଦାୟିତ୍ବ ସେ ନେବେ ବୋଲି କହିଥିଲେ ।
