ମାଲକାନଗିରି,୧୧/୪: ମାଲକାନଗିରି ବିଧାନସଭା ନିର୍ବାଚନ ମଣ୍ଡଳୀ ଆସନ ପାଇଁ ବିଜେଡି,ବିଜେପି ଓ କଂଗ୍ରେସ   ଦଳର ବିଧାୟକ ପ୍ରାର୍ଥୀଙ୍କ ନାମ ଘୋଷଣା ହେବା ପରେ  ତିନି ପ୍ରମୁଖ ରାଜନୈତିକ ଦଳ ପକ୍ଷରୁ ଜୋରଦାର ଭୋଟ ପ୍ରଚାର ଆରମ୍ଭ ହୋଇଯାଇଛି।

ପ୍ରଥମେ କଂଗ୍ରେସ ପ୍ରାର୍ଥୀ ଓ ତାର କିଛିଦିନ ପରେ ବିଜେଡି ପ୍ରାର୍ଥୀ ଏବଂ ଗତ ୪ ଦିନ ତଳେ ବିଜେପି ପ୍ରାର୍ଥୀ ଙ୍କ ନାମ ଘୋଷଣା କରାଯାଇଛି। କଂଗ୍ରେସ ଓ ବିଜେଡି ପ୍ରଚାର ରେ ଆଗୁଆ ଥିବା ବେଳେ  ବିଜେପି ଦଳ ପକ୍ଷରୁ ଗତ ଦୁଇଦିନ ହେଲା ପ୍ରଚାର ଆରମ୍ଭ ହୋଇଛି।

 ବିଜେଡି ଦଳ ପକ୍ଷରୁ ପୂର୍ବତନ ବିଧାୟକ ମାନସ ମାଡକାମୀ ଙ୍କ ନାମ ବିଧାୟକ ପ୍ରାର୍ଥୀ ଭାବେ ଘୋଷଣା କରାଯାଇଛି। କଂଗ୍ରେସ ଦଳ ପକ୍ଷରୁ ମାଲା ମାଡ଼ି ଙ୍କୁ ପ୍ରାର୍ଥୀ ଭାବେ ଘୋଷଣା କରାଯାଇଥିବା ବେଳେ ଭାଜପା ଦଳ ରୁ ନୂଆ ମୁହଁ ନରସିଂହ ମାଡ଼କାମୀ ଙ୍କୁ ପ୍ରାର୍ଥୀ   କରାଯାଇଛି।ଏହି ଆସନରୁ ମୁଖ୍ୟତଃ ତ୍ରିମୁଖୀ ଲଢେ଼ଇ ହେବା କୁ ଯାଉଛି।

 ଗତ ୨୦୧୪ନିର୍ବାଚନରେ ମାଲକାନଗିରି ଆସନରୁ ବିଜେଡି ଦଳରୁ ମାନସ ମାଡକାମୀ  ୪୭,୭୩୭ ଭୋଟ ପାଇ ବିଧାୟକ ଭାବେ ନିର୍ବାଚିତ ହୋଇଥିଲେ। ତାଙ୍କ ପ୍ରତିଦ୍ୱନ୍ଦୀ କଂଗ୍ରେସ ଦଳର ମାଲା ମାଡ଼ି୪୪,୪୨୫ଟି ଭୋଟ ପାଇ ଦ୍ଵିତୀୟ ସ୍ଥାନ ରେ ଥିବା ବେଳେ ଭାଜପା ପ୍ରାର୍ଥୀ ଆଦିତ୍ୟ ମାଡ଼ି୩୬,୨୧୨ ଟି ଭୋଟ ପାଇ ତୃତୀୟ ସ୍ଥାନରେ ଥିଲେ।  ୨୦୧୯ ନିର୍ବାଚନରେ ଏହି ଆସନରୁ ଭାଜପା ପ୍ରାର୍ଥୀ ଆଦିତ୍ୟ ମାଡ଼ି ୭୦,୨୬୩ଟି ଭୋଟ ପାଇ ବିଧାୟକ ଭାବେ ନିର୍ବାଚିତ ହୋଇଥିଲେ।ତାଙ୍କର ପ୍ରତିଦ୍ୱନ୍ଦୀ କଂଗ୍ରେସ ଦଳର ମାଲା ମାଡ଼ି ୪୪,୬୯୪ଟି ଭୋଟ ପାଇ ଦ୍ୱିତୀୟ ସ୍ଥାନରେ ଥିବା ବେଳେ ବିଜେଡି ଦଳର ପ୍ରାର୍ଥୀ ମୁକୁନ୍ଦ ସୋଡି୪୧,୬୬୭ଟି ଭୋଟ ପାଇ ତୃତୀୟ ସ୍ଥାନରେ ଥିଲେ।