ମାଲକାନଗିରି, ୧୩/୧୦,(ଆପ୍ର ) : ଖୋଦ୍ଧା ଜିଲ୍ଲା କେଟି ଗ୍ଲୋବାଲ ସ୍କୁଲ ପରିସରରେ ରାଜ୍ୟ ସ୍ତରୀୟ ଜୁଡୋ ଚାମ୍ପିୟନସିପ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ମାଲକାନଗିରି ଜିଲ୍ଲାରୁ ବିଭିନ୍ନ ବର୍ଗରେ ୧୨ଜଣ ଖେଳାଳୀ ଭାଗ ନେଇଥିଲେ। ଏଥିରେ ମାଲକାନଗିରିକୁ ମିଳିଛି ସ୍ୱର୍ଣ୍ଣ ପଦକ। ୩୦ କେଜି ବର୍ଗରେ ମହେଶ ହନ୍ତାଳ ସ୍ବର୍ଣ୍ଣ ପଦକ ହାସଲ କରିଛନ୍ତି।
ମାଲକାନଗିରି ଜିଲ୍ଲା ଜୁଡୋ ଆସୋସିଏସନ୍ ଏବଂ ଆଓମା ଗୁରୁକୂଳ ଆଶ୍ରମର ମିଳିତ ସହଯୋଗରେ ସମସ୍ତ ଖେଳାଳିଙ୍କୁ ପ୍ରଶିକ୍ଷଣ ଦିଆଯିବା ସହିତ ରାଜ୍ୟ ସୁରୀୟ ଜୁଡୋ ଚମ୍ପିୟାନସିପରେ ଭାଗ ନେବା ପାଇଁ ପ୍ରସ୍ତୁତ କରାଯାଇଥିଲା। ତେବେ ଏହି ଜୁଡୋ ଖେଳାଳି ଦଳ ପରିଚାଳକ ରାମ ମାଡକାମି, ମହିଳା ପରିଚାଳି କ ଲକ୍ଷ୍ମୀ ସୋଡି , ପୁରୁଷ ପରିଚାଳକ ନକୁଳ କିର୍ଷାନୀଙ୍କ ତତ୍ତ୍ବାବଧାନରେ ୩୦ କେଜି ବର୍ଗରେ ମହେଶ ହନ୍ତାଳ ସ୍ବର୍ଣ୍ଣ ପଦକ ପାଇଥିଲେ। ସେହିପରି (୩୫ କେଜି)ସୀମ ଦଳପତି-କାଂସ୍ୟ, (୩୫ କେଜି) ଜଗା ମାଢ଼ - କାଂସ୍ୟ, (୩୨ କେଜି) ଚାନ୍ଦିନୀ ମାଡକାମି- କାଂସ୍ୟ, (୫୦ କେଜି) ଅର୍ଜୁନ ଖରା-କାଂସ୍ୟ, (୫୫କେଜି)ପ୍ରତାପ ପୂଜାରୀ-ରୌପ୍ୟ ଏବଂ (୫୭ କେଜି) ବରିଷ୍ଠ ମହିଳା ବର୍ଗରେ ସୁମିତ୍ରା ମାଢ଼ି ରୌପ୍ୟ ପଦକ ଆଣି ମାଲକାନଗିରି ଜିଲ୍ଲାକୁ ଗୌରାବାନ୍ବିତ କରିଛନ୍ତି।ଆଓମା ଗୁରୁକୁଳ ର ପ୍ରତିଷ୍ଠାତା ବିନାଶ କୁମାର ମିଶ୍ର ଓ ଆଓମା ଗୁରୁକୁଳ ର ଅଧ୍ୟକ୍ଷ ରତ୍ନାକର ଦାଶ ଏହି ଜୁଡୋ ବିଜୟୀ ଛାତ୍ର ଛାତ୍ରୀ ଙ୍କ ସଫଳତା କାମନା କରି ଶୁଭେଚ୍ଛା ଜଣାଇଛନ୍ତି।