ମାଲକାନଗିରି, ୧୫/୧୦:  ଆଦିବାସୀ କଲ୍ୟାଣ ଓ ସ୍କୁଲ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ମାଲକାନଗିରି ଜିଲ୍ଲା ଗସ୍ତରେ ଆସି ବିଭିନ୍ନ ବିଦ୍ୟାଳୟ ଓ ଉନ୍ନୟନ କାର୍ଯ୍ୟ  ବୁଲିଦେଖିଛନ୍ତି। ତେବେ ସ୍ବାଭିମାନ ଅଞ୍ଚଳରେ ନବନିର୍ମିତ ଏଜୁକେସନ କମ୍ପ୍ଲେକ୍ସ ବୁଲି ନିମ୍ନମାନର କାର୍ଯ୍ୟ ଦେଖି ଅସନ୍ତୋଷ ପ୍ରକାଶ କରିଛନ୍ତି। 

ମନ୍ତ୍ରୀ ଶ୍ରୀ ଗଣ୍ଡ ଚିତ୍ରକୋଣ୍ଡା ବ୍ଲକସ୍ଥ ସ୍ଵାଭିମାନ  ଅଞ୍ଚଳରେ ଥିବା ବଡପଡାରେ ନିର୍ମିତ ଏଜୁକେସନ କମ୍ପ୍ଲେକ୍ସ ପରିଦର୍ଶନ କରି ସେ ବିଭିନ୍ନ କାର୍ଯ୍ୟ ସମ୍ପର୍କରେ ସମୀକ୍ଷା କରିଥିଲେ। ଏହି କମ୍ପ୍ଲେକ୍ସ ନିର୍ମାଣ ନିମ୍ନମାନର ଓ ବ୍ୟାପକ ଦୁର୍ନୀତି ହୋଇଥିବାର ଅଭିଯୋଗ ପାଇବା ପରେ ଏହାକୁ ବୁଲି ଦେଖିବା ସହିତ ନିମମ୍ମାନର କାର୍ଯ୍ୟ ପାଇଁ ସେ କ୍ଷୋଭ ପ୍ରକାଶ କରିବା ସହିତ ଭଲ ଭାବରେ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ। ତେବେ ଏହି ନିର୍ମାଣ କାର୍ଯ୍ୟ ନିମ୍ନମାନର ହୋଇଥିବା ବେଳେ ଏହି କାର୍ଯ୍ୟର ତଦନ୍ତ ସହ ଉଚିତ ପଦକ୍ଷେପ ନିଆଯିବ ବୋଲି ମନ୍ତ୍ରୀ ଶ୍ରୀ ଗଣ୍ଡ ପ୍ରକାଶ କରିଥିଲେ। 

ପରେ ସେ ବାଲିମେଳା ଠାରେ ଥିବା ଏସଏସଭିଏମ୍ ବିଦ୍ୟାଳୟରେ ଅନୁଷ୍ଠିତ ହେଉଥିବା ଆରଏସଏସ ବର୍ଗ ବୁଲି ଦେଖି ବିଦ୍ୟାଳୟର ସମସ୍ୟା ସ୍କୁଲ କର୍ତ୍ତୃପକ୍ଷଙ୍କୁ ପଚାରି ବୁଝିଥିଲେ। ମନ୍ତ୍ରୀଙ୍କ ଏହି ଗସ୍ତ ସମୟରେ ମାଲକାନଗିରି ବିଧାୟକ ନରସିଂହ ମାଡ଼କାମୀ, ଜିଲ୍ଲା ବିଜେପି ସମ୍ପାଦକ ଅକ୍ଷୟ ବିଶ୍ୱାଳ, କାଉନସିଲର ମନୋଜ ପାଙ୍ଗିଙ୍କ ସମେତ ଦଳର ଅନ୍ୟ କର୍ମୀମାନେ ଉପସ୍ଥିତ ଥିଲେ।